arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
शेरबहादुर देउवा नेतृत्वको सरकारले आगामी ७ माघभित्र प्रदेश र संघको चुनाव सम्पन्न गर्न सक्ला ?

सक्छ
सक्दैन
हुनुपर्छ
थाहा छैन्

भोट दिनुहोस् परिणाम हेर्नुहोस्
पुराना मत परिणामहरु
बिज्ञापनहरु
 
विश्व समाचार
भारतको झारखन्ड राज्यमा पटाका कारखानामा आगलागी, आठ जनाको मृत्यु(२०७४ आश्विन ९, सोमवार)
पूर्वी भारतीय राज्य झारखन्डमा रहेको पटाका कारखानामा भएको आगलागीका कारण आठ व्यक्तिको मृत्यु भएको छ । यस आगलागीमा परी अन्य २५ जना घाइते भएका प्रहरीले जानकारी दिएको छ । गैरकानूनी रुपमा सन्चालनमा रहेको यस कारखानामा सोमबार आगलागी भएको थियो ।
मेक्सिकोमा गएको शक्तिशाली भूकम्पमा परेर २४८ जनाभन्दा बढीको मृत्यु(२०७४ आश्विन ४, बुधवार)
मेक्सिकोमा गएको शक्तिशाली भूकम्पमा परेर २४८ जनाभन्दा बढीको मृत्यु भएको छ । ७.१ म्याग्निच्यूड मापन गरिएको भूकम्पका कारण मोरेलोस र प्यूब्ला राज्यका साथै राजधानी मेक्सिको सहरका धेरै घर ध्वस्त भएका छन् ।

लन्डनको दक्षिण-पश्चिम क्षेत्रमा भुमिगत रेलमार्ग विस्फोटमा १८ जना घाइते(२०७४ भाद्र ३०, शुक्रवार)
लन्डनको दक्षिण-पश्चिम क्षेत्रमा रहेको भुमिगत रेलमार्गमा भएको बम विस्फोटमा कम्तिमा १८ जना घाइते भएका छन् । लन्डनको भूमिगत रेलमार्गको पार्सन्स ग्रीन स्टेशन स्थित खुल्ला ठाँउमा रहेको रेलको एक डिब्बामा विस्फोट हुँदा कम्तिमा १८ जना यात्रुहरु घाइते भएको 'बीबीसी'ले उल्लेख गरेको छ ।
उत्तर कोरियाले फेरि जापानतिर लक्षित गर्दै मिसाइल छाडेपछि दक्षिण कोरियाको जवाफी मिसाइल प्रहार(२०७४ भाद्र ३०, शुक्रवार)
उत्तर कोरियाले फेरि जापानतिर लक्षित गर्दै मिसाइल छाडेपछि जवाफमा दक्षिण कोरियाले पनि निर्धारित् लक्ष्यमा दुई ब्यालेस्टिक मिसाइल प्रहार गरेको छ । उत्तरले गरेको परीक्षणको केही समयपश्चात् प्रतिक्रियास्वरुप दक्षिणले दुईओटा ह्युन्मू-२ नामक ब्यालेस्टिक मिसाइल निर्धारित् लक्ष्यमा सफलतापूर्वक प्रहार गरेको जोइन्ट चिफ्स अफ स्टाफको कार्यालयले बताएको छ ।
हरियाणातर्फ जाने क्रममा यमुना नदीमा डुंगा पल्टियो, २० जनाको मृत्यु, कयौं बेपत्ता(२०७४ भाद्र २९, विहीवार)
भारतको उत्तर प्रदेश राज्यको बागपतबाट करिब ६ किलोमिटर दुरीमा रहेको काठा गाउँ नजिकै यमुना नदीमा बिहीबार बिहान डुंगा दुर्घटना हुँदा कम्तीमा २० जनाको मृत्यु भएको छ । केहीले भने पौडिएर ज्यान जोगाएको बताइएको छ । दुर्घटनामा अन्य कयौं बेपत्ता भएका छन् ।
नयाँदिल्लीको जीबी रोडस्थित देहव्यापार अखडामा भारतीय केन्द्रीय मन्त्री कै संलग्नता (२०७४ भाद्र २५, आइतवार)
भारतको राजधानी नयाँदिल्लीस्थित रेड लाइट एरिया जीबी रोडमा देहव्यापार अखडा पूर्ण रुपमा बन्द गर्ने अभियान सुरु गरेको दिल्ली महिला आयोगले त्यस्ता अखडा संचालनमा केन्द्रीय मन्त्रीको समेत संलग्नता रहेको दाबी गरेको छ । दिल्ली महिला आयोगकी अध्यक्ष स्वाति मालिवालले देहव्यापार अखडा संचालनमा एक केन्द्रीय मन्त्रीको समेत संलग्नता देखिएको दाबी गरेकी हुन् । उनले ती मन्त्रीको नाम भने खुलाएकी छैनन् ।
इथियोपियाको दक्षिणी क्षेत्रीय प्रदेशमा ३ हजार ९९ जना कैदीलाई जेलमुक्त(२०७४ भाद्र २२, विहीवार)
इथियोपियाको दक्षिणी क्षेत्रीय प्रदेशमा बिहीबार ३ हजार ९९ जना कैदीलाई जेलमुक्त गरिएको छ । आउदो सेप्टेम्बर ११ देखि सुरु हुने इथियोपियाको नयाँ बर्षको अवसरमा उनीहरुलाई कैद माफी गरी जेलमुक्त गरिएको सरकारी अधिकारीहरुले जानकारी दिएका छन् ।
अमेरिकामा अर्धचेत बिरामीको रगत तान्न अस्वीकार गर्दा नर्सलाई पक्राउ गर्ने प्रहरीमाथि छानबिन सुरु(२०७४ भाद्र १७, शनिवार)
 अमेरिकी राज्य युताको एक अस्पतालमा प्रहरीले आफ्नो आफन्तको उपचारका लागि अर्धचेत बिरामीको रगत तान्न अस्विकार गर्ने नर्सलाई पक्राउ गरी यातना दिएको घटनामथि अनुसन्धान सुरु भएको छ । गत जुलाई २६ मा साल्ट लेक सिटीस्थित एक अस्पतालमा कार्यरत नर्स अलेक्स वब्बललाई प्रहरीले भनेको नमानेपछि नियन्त्रणमा लिइ करिब २० मिनेटसम्म प्रहरीकै गाडीमा वन्दी बनाएका थिए ।

म्यानमारमा रोहिंज्या मुसलमानको एउटा गाउँमा ७ सयभन्दा धेरै घर जलाएर नष्ट(२०७४ भाद्र १७, शनिवार)
म्यानमारमा रोहिंज्या मुसलमानको एउटा गाउँमा ७ सयभन्दा धेरै घर जलाएर नष्ट गराइएको मानव अधिकारवादी संस्था ह्यूमन राइट्स वाचले जनाएको छ । रखाइन प्रान्तको स्याटलाइट तस्वीरबाट यो निश्कर्षमा पुगिएको ह्यूमन राइट्स वाचले शनिबार (आज) उल्लेख गरेको छ ।
मुम्बईमा भारी वर्षाका कारण डुबानबाट १ करोड ६० लाख मानिस प्रभावित(२०७४ भाद्र १४, बुधवार)
भारतको मुम्बईमा भारी वर्षाका कारण भएको डुबानबाट १ करोड ६० लाख मानिस प्रभावित भएका छन् । भारी वर्षाका कारण मुम्बईका अधिकांश भूभाग जलमग्न भएका छन् । डुबानले हवाई र रेलवे सेवासमेत अबरुद्ध बनेका छन् भने विद्यालय र कलेज बन्द गरिएका छन् ।
भारतीय आध्यात्मिक गुरू बलात्कारमा दोषी ठहरपछि हिंसामा मारिनेको संख्या ११ जना पुग्यो(२०७४ भाद्र ९, शुक्रवार)
भारतका स्वघोषित आध्यात्मिक गुरू गुमरित राम रहिम सिँहलाई लामो समयपछि अदालतले बलात्कारमा दोषी ठहर गरेको छ । हरियाणाको पञ्चकुलास्थित केन्द्रीय जाँच ब्यूरोको विशेष अदालतले 'डेरा सच्चा सौदा' अभियानका प्रमुखसमेत रहेका रहिमलाई बलात्कारमा दोषी ठहर गर्दै शुक्रबार (आज)जेल पठाउने निर्णय गरेको हो ।
यमनमा हवाई कारबाहीमा ४२ सर्वासाधारण मारिए(२०७४ भाद्र ९, शुक्रवार)
यमनमा गतहप्ता भएको साउदी अरेबियाआवद्ध हवाई कारबाहीमा ४२ सर्वासाधारण मारिएका छन् । सो कारबाहीमा मारिएका सर्वसाधारणहरुमा बालबालिका पनि रहेका संयुक्त राष्ट्रसंघ मानव अधिकार कार्यालयले शुक्रबार जानकारी दिएको छ ।
सिरियाली शहर राक्वामा गरिएको हवाई आक्रमणमा २१ बालबालिकासहित ५९जनाको मृत्यु(२०७४ भाद्र २, शुक्रवार)
इश्लामिक स्टेट जिहादी  समूहलाई लक्षितगरी सिरियाली शहर राक्वामा गरिएको अमेरिकी नेतृत्वको हवाई आक्रमणमा २१ बालबालिकासहित ५९जनाको मृत्यु भएको छ । विगत तीनदिनमा अमेरिकी नेतृत्वको हवाई आक्रमणमा दर्जनौँ सर्वसाधारणको मृत्यु भएको सिरियाली मानव अधिकारवादी संस्थाले बिहीबार  जनाएको छ । 
भारतीय राज्य बिहारमा बाढीबाट ९१ जनाको मृत्यु, करिब ९६ लाख नागरिक प्रभावित(२०७४ श्रावण ३२, बुधवार)
भारतीय राज्य बिहारमा बाढीका कारण कम्तीमा पनि ९१ जनाको ज्यान गएको छ । साथै, यसबाट करिब ९६ लाखजना नागरिक प्रभावित भएका छन् । गएको तीन दिनदेखि बिहारमा जारी रहेको वर्षा र यसबाट उत्पन्न बाढीका कारण ती नागरिकको ज्यान गएको बताइएको छ ।
उत्तर कोरिया अमेरिकाको सैन्य अखडालाई निशाना बनाएर हमला गर्ने योजनामा(२०७४ श्रावण २५, बुधवार)
उत्तर कोरियाले अमेरिकाको सैन्य अखडालाई निशाना बनाएर हमलाको योजना बनाइरहेको तथ्य प्रकाशमा आएको छ । उत्तर कोरियाले अमेरिकाको गुआम सैन्य बेसमाथि आक्रमणका लागि योजना बनाइरहेको तथ्य प्रकाशमा आएको हो ।
चीनको सिचुवान प्रान्तमा शक्तिशाली भूकम्प जाँदा मृत्यु हुनेको संख्या १३(२०७४ श्रावण २५, बुधवार)
चीनको दक्षिण पश्चिमी सिचुवान प्रान्तमा शक्तिशाली भूकम्प जाँदा मृत्यु हुनेको संख्या १३ पुगेको छ । स्थानीय समयअनुसार मंगलबार राति ९ बजेर २० मिनेटमा गएको ७ म्याग्निच्यूडको भूकम्पमा परी १७५ जनाभन्दा बढी घाइते भएका छन् ।
अफगानिस्तानको सारीपुल प्रान्तमा भएको चरमपन्थी आक्रमणमा ५० जना सर्वसाधारणको मृत्यु(२०७४ श्रावण २३, सोमवार)
अफगानिस्तानको सारीपुल प्रान्तमा भएको चरमपन्थी आक्रमणमा कम्तीमा ५० जना सर्वसाधारणको मृत्यु भएको छ । मारिनेमा महिला र बालबालिकासमेत छन् । सारीपुल प्रान्तको मिर्जावालाङ्ग क्षेत्रस्थित एक सुरक्षा चौकीलाई चरमपन्थीहरुले निशाना बनाएका थिए । यो चौकीको नेतृत्व स्थानीय पुलिस नै लिएका थिए ।
काबुलस्थित इराकी दूतावासमा आक्रमण गर्ने चारै जना आक्रमणकारीहरु मारिए(२०७४ श्रावण १६, सोमवार)
अफगानिस्तानको राजधानी काबुलस्थित इराकी दूतावासमा आक्रमण गर्ने चारै जना आक्रमणकारीहरु मारिएका छन् । सोमबार (आज) बिहान गरिएको उक्त आक्रमणमा एकजनाले आत्मघाती बम्ब विस्फोट गराएपछि अन्य तीनजना इस्लामिक लडाकुले दूतावासभित्र पसेर आक्रमण गरेका हुन् ।
जर्मनीको एक रात्री क्लबमा भएको गोली प्रहारमा दुई जनाको मृत्यु(२०७४ श्रावण १५, आइतवार)
जर्मनीको एक रात्री क्लबमा भएको गोली प्रहारमा दुई जनाको मृत्यु भएको छ । घटनामा एक प्रहरीसहित अन्य दुई जना गम्भीर  घाइते भएका छन् । जर्मनीको मुख्य शहरमा रहेको ‘ग्रे नाइट क्लबमा’ प्रवेश गरेका अज्ञात ब्यक्तिले गोली प्रहार गर्दा एकजनाको मृत्यु भएको अधिकारीहरुले जनाएका छन् ।
टर्कीमा सरकार विरोधी पत्रिकाका ७ जना पत्रकार ८ महिनापछि जेलमुक्त(२०७४ श्रावण १४, शनिवार)
टर्कीको सरकार विरोधी पत्रिका 'कुम्हुरियट'का सात पत्रकारलाई सरकारले आठ महिनापछि शनिबार (आज) विहान जेलमुक्त गरिदिएको छ । अरु चार जनालाई भने अझैपनि जेल मै राखिएको छ र चाँडै नै छाडिने अनुमान गरिएको छ । इस्तानबुलको एक अदालतले सुनवाइको क्रममा उनीहरुलाई जेलमुक्त गर्न शुक्रबार (हिजो) आदेश दिएपछि सरकारले शनिबार (आज) उनीहरुलाई छाडिदिएको हो ।
उत्तर कोरियाको ब्यालिस्टिक मिसाइलको निशाना अमेरिका(२०७४ श्रावण १४, शनिवार)
उत्तर कोरियाले पछिल्लो पटक परीक्षण गरिएको इन्टरकन्टिनेन्टल ब्यालिस्टिक मिसाइलको निशाना अमेरिका रहेको बताएको छ । उत्तर कोरियाली संचारमाध्यमका अनुसार त्यहाँका सर्वोच्च नेता किम जोङ्ग उनले भने, यो क्षेप्यास्त्रको सफल परीक्षणले अब पुरा अमेरिका हाम्रो निशानामा रहने प्रमाणित भएको छ । 
नाईजेरियामा बोको हरामको आक्रमणमा परी कम्तीमा ५० जना मारिए(२०७४ श्रावण १३, शुक्रवार)
अफ्रिकी मुलुक नाईजेरियामा इस्लामिक अतिवादी समूह बोको हरामको आक्रमणमा परी कम्तीमा ५० जना मारिएका छन् । नाईजेरियाको उत्तरपूर्वी बोर्नो राज्यको मागुमेरी क्षेत्रमा एउटा तेल अन्वेषण टोलीलाई लक्षित गरी थापिएको विद्युतीय धराप विष्फोटमा ५० जना मारिएका हुन् ।
पाकिस्तानमा नवाज सरीफ प्रधानमन्त्रीकारूपमा रहन अयोग्य ठहर(२०७४ श्रावण १३, शुक्रवार)
पाकिस्तानको सर्वोच्च अदालतले शुक्रबार प्रधानमन्त्री नवाज सरीफमाथि लामो समयदेखि चर्चामा आइरहेको भ्रष्टाचार आरोपलाई लिएर प्रधानमन्त्रीकारूपमा रहिरहन अयोग्य घोषणा गरेको छ । उनलाई भ्रष्टाचारको आरोपमा मुद्दा परेपछि धेरैको अपेक्षाअनुसार नै तत्काल कार्यालय छोड्न पनि अदालतले निर्देशन दिएको छ ।
ओबामा केयर खारेज गर्ने योजना अस्वीकृत(२०७४ श्रावण १३, शुक्रवार)
अमेरिकी रिपब्लिकन दलद्वारा पूर्व अमेरिकी राष्ट्रपति बाराक ओबामाको नामबाट सन्चालित स्वास्थ्य क्षेत्रको सुधारका लागि ओबामाकेयर कार्यक्रमलाई रद्द गर्ने पछिल्लो प्रयासलाई अमेरिकी सिनेटले शुक्रबार (आज) अस्वीकृत गरेको छ ।
मुसलमान समुदायलाई इजरायलविरुद्धको संघर्षमा लाग्न इरानका सर्वोच्च नेताको आग्रह(२०७४ श्रावण १२, विहीवार)
इरानका सर्वोच्च नेता आयतोल्लाह अली खामेनीले सम्पूर्ण मुसलमान समुदायलाई इजरायलविरुद्धको संघर्षमा लाग्न आग्रह गरेका छन् । प्यालेस्टाइन मुद्धा इश्लामिक समुदायको प्रमुख विषय भएको भन्दै उनले जहाँबाट जसरी हुन्छ त्यसैगरी इजरायलविरुद्धको संघर्षमा लाग्न आग्रह गरेकोे बताइएको छ ।
बिहारका मुख्यमन्त्री नीतीश कुमारले पदबाट राजिनामा दिए(२०७४ श्रावण ११, बुधवार)
भारतको बिहार राज्यका मुख्यमन्त्री नीतीश कुमारले पदबाट राजिनामा दिएका छन् । राज्यपाल केशरीनाथ त्रिपाठीसमक्ष नीतीशले राजिनामापत्र बुझाएका हुन् । राजिनामापत्र बुझाएपछि सञ्चारकर्मीसँग नीतीशकुमारले वर्तमान वातावरणमा राज्यको नेतृत्व लिन अफ्ठेरो भएकाले राजिनामा दिएको बताए ।
मुम्बईको उत्तरतर्फ भत्किएको पाँचतले भवनमा परी मृत्यु हुनेको संख्या १७(२०७४ श्रावण ११, बुधवार)
भारतको एक ठूलो सहर मुम्बईको उत्तरतर्फ मंगलबार भत्किएको एक पाँचतले भवनमा परी मृत्यु हुनेको संख्या १७ पुगेको छ । उद्वारकर्मीहरुले उद्वारको कार्य जारी नै राखेका छन् । उनीहरुले बुधबार बिहानसम्म भत्किएको भवनको भग्नावशेषबाट १७ व्यक्तिको शव निकालेको बताएका छन् ।
नवनिर्वाचित भारतीय राष्ट्रपति कोविन्दद्वारा शपथ ग्रहण(२०७४ श्रावण १०, मंगलवार)
नवनिर्वाचित भारतीय राष्ट्रपति रामनाथ कोविन्दले मंगलबार (आज) भारतीय राष्ट्रपति भवनमा आयोजित विशेष समारोहमा राष्ट्रपति पदको शपथ लिए । राष्ट्रपति भवनमा आयोजित विशेष समारोहमा उनलाई भारतीय प्रधानन्यायाधीशले सपथ गराएका थिए ।
अफगानिस्तानमा तालीवानी विद्रोहीले सातजना गाउँलेको हत्या गरे(२०७४ श्रावण ८, आइतवार)
अफगानिस्तानमा तालीवानी विद्रोहीले सातजना गाउँलेको हत्या गरेका छन् । कान्दाहार प्रान्तका ७० भन्दा बढी गाउँलेलाई कब्जामा लिएर तालीवानीले सात जनाको हत्या गरेका हुन् ।
अमेरिकी हवाई आक्रमणमा १६ अफगान प्रहरीको मृत्यु(२०७४ श्रावण ७, शनिवार)
अफगानिस्तानमा भएको अमेरिकाआवद्ध हवाई आक्रमणमा परी १६ अफगान प्रहरीको मृत्यु भएको अधिकारीहरुले शनिबार (आज) जानकारी दिएका छन । यस युद्धग्रस्त देशमा वासिंगटनले गरेको पछिल्लो शान्ति वार्ताको प्रयास असफल भएको थियो ।