भारतीय संचारमाध्यमले आज जनाए अनुसार, भारतले आज ब्राहमोस दुइ ढाँचे सुपरसोनिक क्रुस क्षेप्यास्त्रको सफलताका साथ प्रक्षेपण गरेको छ। भारतीय रक्षा अनुसन्धान तथा विकास संगठनका पदाधिकारीले उक्त क्षेप्यास्त्र भारतको पूर्वी भागमा पर्ने उडिसा प्रदेशको समुद्र किनारमा पर्ने प्रक्षेपण स्थलबाट प्रक्षेपित गरिएको जानकारी दिएका छन। थाहा भए अनुसार, ब्राहमोस दुइ ढाँचे सुपरसोनिक क्रुस क्षेप्यास्त्र भारत तथा रुसको संयुक्त विकासमा गरिएको हो। यस क्षेप्यास्त्रको दूरी दुइ सय नब्बे किलोमिटर छ र तीन सय केजी परमाणु अस्त्र बोक्न सक्छ। हाल यस सम्बन्धि अनुसन्धान आकाशतिर प्रक्षेपण गर्नसकिने तथा समुद्रमुनी प्रक्षेपण गर्न सकिने क्षेप्यास्त्रमा केन्द्रित रहेको जनाइएको छ।

भारतको राजधानी नयाँ दिल्लीमा डेँगु रोग लागेका मानिसको संख्या वृद्धि भएको छ। अधिकारीको तथ्याङ्कअनुसार, एक हजार भन्दा बढीमा उक्त रोग लागेका छन् भने तीन जनाको मृत्यु भइसकेको छ। उक्त संख्या गत पाँच वर्षको तुलनामा दश गुणा पुगेको छ।

अमेरिकी राष्ट्रपति बाराक ओबामाले स्थानिय समय अनुसार अगष्ट 31 तारिख राती 8 बजे ह्वाइट हाउसमा एक सम्बोधन गर्दै औपचारिक रुपमा अमेरिकी सेनाले इराकमा गरेको लडाईं समाप्त भएको घोषणा गर्नुभएको छ। राष्ट्रपति ओबामाले उक्त सम्बोधनमा इराकमा तैनाथ अमेरिकी सेनाले आफ्नो कर्तव्य राम्ररी गरेको तथा इराकका जनताले प्रयास गरेका हुनाले हाल इराकको सुरक्षा र राजनैतिक परिस्थिति राम्रो दिशातिर उन्मुख भएको छ भन्नुभयो । यसकारण इराकको लडाईं समाप्त भएको घोषणा गर्नुभएको हो।

भारतको सुरक्षा सेनालाई आज उनन्तीस तारिख विहानसबेरै भारतको पूर्वी क्षेत्रमा नक्सलवादीद्वारा आक्रमण गरिएको छ। जसबाट पाँच जना सुरक्षा सैनिक मारिएका छन्। भारतीय प्रहरीका अनुसार, स्थानीय समयअनुसार आज विहानसबेरै पाँच बजे भारतको सुरक्षा सेनालाई भारतको पूर्वी क्षेत्रको बनमा नक्सलवादीद्वारा आक्रमण गरिएको हो। सुरक्षा सेनाले जवाफी हमला गरेता पनि पाँच जना सुरक्षा सैनिक मरेका छन्। साथै अरु एक जना घाइते भएको छ। यस वर्ष यता नक्सलवादीले गरेको यो आक्रमण दोस्रो पटक हो। गत अप्रिल महिनाको छ तारिखमा नक्सलवादीको सशस्त्र शक्तिले सत्तरी जनाभन्दा बढी सुरक्षा सैनिकलाई मारिएको थियो। उक्त गतिबिधिबाट केही वर्षयता भारतिय सुरक्षा सेनासमक्ष सबभन्दा ठूलो क्षति भएको थियो।

अफ्गानिस्तानी अधिकारीका अनुसार, अफ्गानिस्तानी संसदका एक उम्मेदवारलाई अठाईस तारिख राति अफ्गानिस्तानको पश्चिमी हलाद प्रान्तमा सशस्त्र धारीले गोलि हानी मारेको छ। उक्त प्रान्तका अधिकारीका अनुसार, उक्त सशस्त्र धारीहरु गाडीमा आएको र उक्त उम्मेदवारको घर बाहिर मारेको थियो। सेप्टेम्बर अठार तारिख अफ्गानिस्तानी राष्ट्रिय संसदको तल्लो सभाको निर्वाचन हुनेछ। विगत एक महिनामा दुई जना संसदका उम्मेदवारलाई मारिएको छ।

संयुक्त राष्ट्र संघका महासचिव बान कि मुनले एउटा वक्तव्य प्रकाशित गरी प्रजातान्त्रिक जन गणतन्त्र कोरियाले पूर्व अमेरिकी राष्ट्रपति कार्टर प्योयाङ्गको भ्रमणमा रहनुभएको अवसरमा हिरासतमा रहेका एक अमेरिकीलाई रिहा गरेकोमा स्वागत व्यक्त गर्नुभएको छ। उहाँले आफ्नो वक्तव्यमा उत्तर कोरिया सरकारले मानवतावादी विचारको आधारमा अमेरिकी नागरिक गोमेसलाई रिहा गरेको कार्यप्रति प्रशंसा व्यक्त गरेको साथै पूर्व अमेरिकी राष्ट्रपति कार्टरले मानवतावादी कार्यभार पूरा गर्नुभएकोमा पनि प्रशंसा गरेको बताउनुभएको छ।