arghakhanchi
मिति:
भर्खरै
थप समाचार
बिज्ञापनहरु Advertisements
banner
मत सर्वेक्षण
नेकपा एमाले र नेकपा माओवादी केन्द्रको संयुक्त बाम गठबन्धनको सरकार केपी शर्मा ओलीको नेतृत्वमा पाँच वर्ष चल्दा ठीक कि आधा समय अर्थात साढे २ वर्षपछि नेकपा माओवादी केन्द्रका पुष्पकमल दाहालको नेतृत्वमा पुन: आलोपालो सरकारको निरन्तरता दिन ठीक ?

आलोपालो ठीक
ओलीको निरन्तरता ठीक
थाहा भएन
हुनेवाला केही होइेन

भोट दिनुहोस् परिणाम हेर्नुहोस्
पुराना मत परिणामहरु
PropellerAds
बिज्ञापनहरु
 
विश्व समाचार
आगामी हप्ता उत्तर र दक्षिण कोरियाबीच वार्ता हुने(२०७४ फाल्गुन ११, शुक्रवार)
आगामी हप्ता उत्तर र दक्षिण कोरियाबीच वार्ता हुने भएको छ । यी दुई देशबीचका कार्यगत समूहका अधिकारीबीच सो वार्ता हुन लागेको बताइएको छ । उक्त द्विपक्षीय वार्तामा अधिकारीहरुले दक्षिण कोरियामा हालै भएको शीतकालीन ओलम्पिक खेलकुदकाबारेमा समीक्षा गर्नुका साथै दुई देशबीच आगामी दिनमा हुने भनिएको द्विपक्षीय उच्चस्तरीय वार्ताको तयारीकाबारेमा पनि कुराकानी हुने भएको बताइएको छ ।
इरान विश्वका लागि सबैभन्दा ठूलो खतरा:- इजरायली प्रधानमन्त्री नेतन्याहु(२०७४ फाल्गुन ६, आइतवार)
इजरायलका प्रधानमन्त्री बेन्जामिन नेतन्याहुले इरान विश्वका लागि सबैभन्दा ठूलो खतरा रहेको बताएका छन् । म्युनिखमा आयोजित सेक्युरिटी सम्मेलनमा इरानविरुद्ध कडा अभिव्यक्ति दिदैं उनले इरानी नेतृत्वलाई इजरायलमा आतंकवादी नाक घुसाउन नदिने प्रष्ट पारे ।
इरानमा ६० यात्रु सहित यात्रुवाहक विमान दुर्घटना(२०७४ फाल्गुन ६, आइतवार)
इरानको राजधानी तेहेरानबाट यासुजका लागि उडेको एक यात्रुवाहक विमान इस्फान प्रान्तको सेमीरोममा दुर्घटनाग्रस्त भएको छ । विमानमा ६० यात्रु दुई सुरक्षाकर्मी र चारजना चालकदलका सदस्य रहेको बताइएकाे छ ।दुर्घटनास्थल हिमाली क्षेत्रमा रहेकाले सोही अनुसार आपतकालिन उद्धारका लागि उद्धारकर्मी परिचालन गरिएको बताइएको छ।
इजरायलका प्रधानमन्त्री नेतन्याहूमाथि मुद्दा चलाउने तयारी(२०७४ फाल्गुन २, बुधवार)
प्रहरीले इजरायलका प्रधानमन्त्री नेतन्याहूमाथि मुद्दा चलाउन पर्याप्त प्रमाण रहेको जिकिर गरेको छ । तर प्रधानमन्त्री नेतन्याहूले भने प्रहरीले लगाएको आरोपको ठाडै अस्वीकार गरेका छन् ।  उनले आफू प्रधानमन्त्री मै रहने बताए ।
सिरियाले गोली हानेर इजरेली लडाकू विमान खसाल्यो(२०७४ माघ २७, शनिवार)
सिरियाले गोली हानेर शनिबार एउटा इजरेली लडाकू विमान खसालिदिएको जनाइएको छ । इजरेली सेनाकाअनुसार उत्तरी इजरेलमा दुईजना पाइलट भने विमानबाट हामफालेर प्यारासुटको मद्दतले अवतरण गर्न सफल भएका छन् । उनीहरुलाई अस्पताल लगिएको छ ।
बङ्लादेशकी पूर्वप्रधानमन्त्री खालिदा जियालाई पाँच वर्षको जेल सजाय(२०७४ माघ २५, विहीवार)
बङ्लादेशकी पूर्वप्रधानमन्त्री खालिदा जियालाई पाँच वर्षको जेल सजाय फैसला भएको छ । भ्रष्टाचार अरोपमाथि अन्तिम सुनुवाई गर्दै अदालतले उनलाई पाँच वर्ष जेल सजायको फैसला सुनाएको हो । 
माल्दिभ्समा संकटकालिन अवस्था घोषणा (२०७४ माघ २३, मंगलवार)
दक्षिण एसियाली मुलुक माल्दिभ्समा राजनीतिक संकट चुलिएको छ । त्यहाँको सर्वोच्च अदालतले राजनीतिक बन्दी रिहा गर्न आदेश दिए पनि सरकारले अदालतको आदेश अस्वीकार गर्दै दुई साताका लागि संकटकालिन अवस्था घोषणा गरेपछि राजनीतिक संकट बढेको हो ।

नयाँदिल्ली सबैभन्दा प्रदूषित सहर(२०७४ माघ १६, मंगलवार)
भारतको राजधानी नयाँदिल्ली भारतीय सहरहरुमध्ये सबैभन्दा प्रदूषित सहर भएको एक अध्ययनले देखाएको छ । सो अध्ययनले भारतीय राज्यहरुमध्येमा उत्तर प्रदेश सबैभन्दा प्रदूषित राज्य भएको पनि देखाएको राजधानी नयाँदिल्लीमा मंगलबार सार्वजनिक गरिएको एक अध्ययन प्रतिवेदनमा उल्लेख गरिएको छ ।
अफगानिस्तानको काबुलमा एम्बुलेन्स बम विस्फोटमा परी कम्तीमा ९५ को मृत्यु, १ सय ५८ घाइते(२०७४ माघ १३, शनिवार)
अफगानिस्तानको राजधानी काबुलमा शनिबार भएको एम्बुलेन्स बम विस्फोटमा परी कम्तीमा ९५ को मृत्यु भएको छ। साथै १ सय ५८ जना घाइते भएका छन्। यसलाई यस वर्षकै सबभन्दा धेरै मानवीय क्षति हुने गरी भएको घटनाको रुपमा लिइएको छ।
टर्किस राष्ट्रपतिद्दारा कुर्द लडाकूविरुद्धको संघर्ष पूर्वी इराकसम्म पुर्‍याउने दावी(२०७४ माघ १३, शनिवार)
टर्कीका राष्ट्रपति रेचेप तेयेप अर्दोआनले सिरियामा चलिरहेको कुर्द लडाकूविरुद्धको संघर्षलाई पूर्वमा इराकसम्म पुर्‍याइने बताएका छन् । टर्कीको सेना कुर्द नियन्त्रित मनबिज पार गर्दै अगाडी बढ्ने उनको भनाइ थियो । तर टर्कीको यस कदमले कुर्दको समर्थनमा रहेको अमेरिकासँग झडप हुन सक्ने बताइँदैछ ।
दक्षिण कोरियाको एक अस्पतालमा भीषण आगलागीमा परी ४१ जनाको मृत्यु(२०७४ माघ १२, शुक्रवार)
दक्षिण कोरियाको एक अस्पतालमा शुक्रबार भएको भीषण आगलागीमा परी कम्तीमा पनि ४१ जनाको ज्यान गएको छ । दक्षिण कोरियाको सुदूर दक्षिणी क्षेत्र मिरियाङमा अवस्थित एक सरकारी अस्पतालमा भएको सो आगलागी यहाँ गएको १५ वर्षपछिको सबैभन्दा खतरनाक आगलागी हो ।
अफगानिस्तानको होटल भिडन्तमा १४ पर्यटकको मृत्यु(२०७४ माघ ८, सोमवार)
अफगानिस्तानको सुरक्षा बलले बन्दुकधारीको कब्जामा परेको राजधानी काबुलस्थित इन्टर कन्टिनेन्टल होटल १२ घण्टापछि मुक्त गराएको छ । बन्दुकधारीको आक्रमण र होटललाई कब्जा मुक्त गर्ने प्रयासका क्रममा भएको कारबाहीमा १४ जना पर्यटकको मृत्यु भएको छ ।
भारी हिमपातका कारण युरोपको जनजीवन प्रभावित(२०७४ पौष २६, बुधवार)
भारी हिमपातका कारण युरोपको जनजीवन प्रभावित भएको छ । हिमपातका कारण फ्रान्स, इटली र स्वीट्जरल्यान्डका विभिन्न स्थानमा एक सयभन्दा बढी पर्यटक फसेका छन् । कतिपय स्थानमा ३९ इञ्चसम्म हिउँ जमेको छ । रिजोर्टभित्र रहेका पर्यटकहरु बाहिर निस्कन सकेका छैनन् ।
अमेरिकाको क्यालिफोर्नियामा बाढी र पहिरोमा परेर कम्तिमा १३ जनाको मृत्यु(२०७४ पौष २६, बुधवार)
अमेरिकाको क्यालिफोर्नियामा भारी वर्षापछि आएको बाढी र पहिरोमा परेर कम्तिमा १३ जनाको मृत्यु भएको छ । क्यालिफोर्नियाको दक्षिणी क्षेत्र मोन्टेसिटोमा बाढी आउँदा २५ जना घाइते भएका छन् । प्रभावित क्षेत्रबाट ५० जनाभन्दा बढीको उद्दार गरिएको छ ।
दुई कोरिया पहिलो पटक उच्चस्तरीय वार्तामा(२०७४ पौष २५, मंगलवार)
दुई कोरियाबीच पछिल्लो दुई वर्षमा मंगलबार पहिलो पटक उच्चस्तरीय वार्ता हुँदैछ । उत्तर कोरिया र दक्षिण कोरियाबीच स्थानीय समयअनुसार बिहान १० बजे उच्चस्तरीय वार्ता हुन लागेको हो । दक्षिण कोरियाको प्रस्तावमा दुई देशबीचको सीमा क्षेत्रमा वार्ता हुने तय भएको हो ।
अमेरिकामा बस्दै आएका दुई लाख आप्रवासीलाई आफ्नो मुलुक फर्कन ट्रम्प प्रशासनले निर्देशन(२०७४ पौष २५, मंगलवार)
अमेरिकामा बस्दै आएका दुई लाख आप्रवासीलाई आफ्नो मुलुक फर्कन ट्रम्प प्रशासनले निर्देशन दिएको छ । अमेरिकामा आप्रवासीको चाप रोक्ने संकल्प यसअघि नै लिइसकेका राष्ट्रपति डोनाल्ड ट्रम्पले पछिल्लो पटक मध्य अफ्रिकी मुलुक एल साल्भाडोरका दुई लाख नागरिकलाई अमेरिकाबाट फर्काउने प्रक्रिया सुरु गरेका हुन् ।
म्यानमारमा सरकारविरुद्ध लडाइँ जारी राख्ने रोहिंग्या आर्मीको उद्घोष(२०७४ पौष २४, सोमवार)
म्यानमारको अल्पसंख्यक रोहिंग्या मुसलमान बहुल क्षेत्रको विद्रोही समूहले सरकारविरूद्ध लडाइँ जारी राख्ने जनाएको छ । गतवर्ष 'आराकान साल्भेसन रोहिंग्या आर्मी' (आर्सा)ले सेनामाथि आक्रमण गरेपछि रखाइन प्रान्तमा हिंसा सुरु भएको थियो । उक्त हिंसाका कारण करिब साढे ६ लाख ५० हजार रोहिंग्या मुसलमान समुदाय बंगलादेश पलायन भएका थिए ।
उत्तर कोरियाले सिओलमा हुने आगामी ओलम्पिक प्रतियोगितामा भाग लिने (२०७४ पौष २३, आइतवार)
उत्तर कोरियाका ओलम्पिक अधिकारीले दक्षिण कोरियाको राजधानी सिओलमा हुने आगामी ओलम्पिक प्रतियोगितामा भाग लिने जनाएका छन् । उत्तर कोरियाका अन्तर्राष्ट्रिय ओलम्पिकका प्रतिनिधि च्याङ यङले चीनको बेइजिङ अन्तराष्ट्रिय विमानस्थलमा सञ्चारकर्मीहरुसँग कुरा गर्दै उत्तर कोरियाले दक्षिण कोरियामा हुने ओलम्पिकमा भाग लिने बताएका हुन् ।
पाकिस्तानलाई दिँदै आएको सबैखाले सैन्य सहयोग रोक्ने अमेरिकाको घोषणा(२०७४ पौष २१, शुक्रवार)
अमेरिकाले पाकिस्तानलाई दिँदै आएको सबैखाले सैन्य सहयोग रोक्ने घोषणा गरेको छ । आतंकवादी क्रियाकलाप रोक्न नसकेको आरोप लगाउँदै अमेरिकाले पाकिस्तानलाई सहयोग रोक्ने घोषणा गरेको हो । पाकिस्तानले हक्कानी नेटवर्क र अफगान तालिबानविरुद्ध कारवाही नगर्दासम्म सैन्य सहयोग निलम्बित गरिएको अमेरिकी विदेश मन्त्रालयले जनाएको छ ।
पेरुमा यात्रुबाहक बस दुर्घटना हुँदा कम्तिमा ३६ जनाको मृत्यु(२०७४ पौष १९, बुधवार)
लेटिन अमेरिकी मुलुक पेरुमा एउटा यात्रुबाहक बस दुर्घटना हुँदा कम्तिमा ३६ जनाको मृत्यु भएको छ । राजधानी लिमाबाट उत्तरमा पर्ने पासामायो क्षेत्रको एउटा कठिन मोडबाट सय मिटर तल समुद्री किनारामा खसेर बस दुर्घटना भएको हो ।
इरानमा जारी प्रदर्शनमा मारिनेको संख्या २२, सयौं पक्राउ(२०७४ पौष १८, मंगलवार)
इरानमा सोमबार रातभर जारी रहेको प्रदर्शनको क्रममा थप नौ जनाको मृत्यु भएको छ । इरानका सरकारी सञ्चारमाध्यमले मंगलबार सो जानकारी दिएका छन् ।
चीन, पाकिस्तान र अफगानिस्तानद्दारा तालिवान लडाकूलाई शान्ति वार्ताका लागि अपील(२०७४ पौष १२, बुधवार)
चीन, पाकिस्तान र अफगानिस्तानले तालिवान लडाकूलाई शान्ति वार्ताका लागि अपील गरेका छन् । चीनको पहलमा बेइजिङमा भएका त्रिदेशीय विदेश मन्त्रीस्तरीय बैठकले तालिवानी लडाकुलाई शान्तिवार्ता गर्न अपील गर्ने निर्णय गरेको हो ।
इन्डियाको काश्मिरबाट आयो डरलाग्दो खबर : दोहोरो गोली हानाहानमा वरिष्ठ नेताको मृत्यु (२०७४ पौष ११, मंगलवार)
 प्राय अशान्त भइरहने भारत नियन्त्रित काश्मिरमा अर्धसैन्य बलसँग भएको दोहोरो गोली हानाहानमा मङ्गलबार विद्रोही समूहका एकजना वरिष्ठ नेताको मृत्यु भएको 
समुद्रले मच्चायो विनाश, १३ देशमा अढाइ लाखभन्दा धेरै लाश छरपस्ट(२०७४ पौष ११, मंगलवार)

समुद्र आफ्नो उत्कर्षमा आयो भने कतिसम्म विनाश गर्न सक्छ भन्ने कुरा दक्षिण एशियामा गएको सुनामी आँधिले देखाइसकेको छ । आज २६ डिसेम्बर। आजभन्दा ठिक १३ वर्ष अगाडि प्रकृतिले यस्तो विनाशलीला मच्चाएको थियो । आजकै दिन २००४ को डिसेम्बर २६ मा यस्तो दर्दनाक घटना भएको थियो 

समुन्द्रले मच्चायो विनाश, १३ देशमा अढाइ लाखभन्दा धेरै लाश छरपस्ट(२०७४ पौष ११, मंगलवार)
रुसको राजधानी मस्कोमा बस दुर्घटना हुँदा चार जनाको मृत्यु(२०७४ पौष ११, मंगलवार)
रुसको राजधानी मस्कोमा बस दुर्घटना हुँदा चार जनाको मृत्यु भएको छ । स्लावियान्स्की बोलेवार्ड मेट्रो स्टेसन नजिकैको सब-वेको प्रवेशद्वारामा बस ठोक्किँदा अन्य ११ जना घाइते भएका छन् । बस सब-वेको सिँढीमा गएर ठोक्किएको हो । बस सब-वेको प्रवेशद्वारमा टनेलको छानोमा ठोक्किएर अड्किएको छ ।
दक्षिणी फिलिपिन्समा आँधीका कारण मृत्‍यु हुनेको संख्या १८० (२०७४ पौष ९, आइतवार)
दक्षिणी फिलिपिन्समा आँधीका कारण १८० जना भन्दा बढीको ज्यान गएको छ। आँधीपछि आएको बाढी र पहिरोमा दर्जनौं हराइरहेको अधिकारीहरुले बताएका छन्। टेम्बिन नामक आँधीले मिन्डनाओ टापुका कैयौँ भागमा बाढी तथा पहिरो निम्त्याएको छ। टुबोड र पिआगापो शहर सबभन्दा बढी प्रभावित भएका छन्। सयौं घरहरु ढुंगाले पुरिएका छन् । 
भेनेजुएलाद्वारा ब्राजिलका राजदूत तथा क्यानेडेली एक कूटनीतिज्ञलाई देश निकाला(२०७४ पौष ९, आइतवार)
आन्तरिक मामिलामा हस्तक्षेप गरेको भन्दै भेनेजुएलाले ब्राजिलका राजदूत तथा क्यानेडेली एक कूटनीतिज्ञलाई देश निकाला गरेको छ । भेनेजुएलाका संविधानसभा अध्यक्ष डेल्सी रोड्रिगुएजले ब्राजिलका राजदुत रुएपेरइरार र क्यानडेली कुटनीतिज्ञ क्रेइग कोवालिकलाई देश निकाला गरेको घोषणा गरेका छन् ।
उत्तर कोरियाद्वारा अन्तर्राष्ट्रिय नाकाबन्दीको कडा शब्दमा निन्दा(२०७४ पौष ९, आइतवार)
उत्तर कोरियाले एकपछि अर्को शक्तिशाली क्षेप्यास्त्र परीक्षण गरेको विरोधमा संयुक्त राष्ट्रसंघले उसमाथि थपेको अर्को नाकाबन्दीको उत्तर कोरियाले कडा शब्दमा विरोध गरेको छ । अघिल्लो हप्तामात्र संयुक्त राष्ट्रसंघीय सुरक्षा परिषदमा गरिएको मतदानबाट उसलाई यसअघि लगाइएको नाकाबन्दीमा निरन्तरता दिनुका साथै थप नाकाबन्दीको पनि घोषणा गरिएको थियो ।

दक्षिण कोरियाको जोसेन सहरमा ८ तले भवनमा आगलागी हुँदा २९ जनाको मृत्यु, २६ घाइते(२०७४ पौष ६, विहीवार)
दक्षिण कोरियाको मुख्य सहर मध्येमा पर्ने जोसेन सहरमा रहेको एउटा भवनमा अगालागी हुँदा कम्तीमा २९ जनाको मृत्यु भएको छ । राजधानी सोलदेखि झन्डै १७० किलोमिटर दक्षिणपूर्वमा पर्ने जोसेन सहरमा रहेको आठ तले भवनमा आगलागी हुँदा कम्तिमा २९ जनाको मृत्यु र्भको हो ।
http://go.oclaserver.com/afu.php?zoneid=1465736