सदरमुकामबाट जलजले जाँदै गरेको ट्याक्सीले उदयपुरको त्रियुगा नगरपालिका- ७ स्थित मोटिगडामा ठक्कर दिंदा शुक्रबार दिउसो एक बालकको मृत्यु भएको छ । विद्यालयबाट घर जाँदै गरेका स्थानीय देवराज राईका ५ बर्षीय छोरा अभिषेकलाई को १ ख १२१५ नम्वरको ट्याक्सीले ठक्कर दिएको थियो । ट्याक्सी ठक्करबाट घाइते भएका अभिषेकको उपचार गर्न लाँदै गर्दा बाटोमै मृत्यु भएको निरीक्षक खगेन्द्र खडकाले वताए । बालक मोतिगढास्थित एभरग्रिन बोर्डिग स्कुलमा पढ्थे ।

उदयपुरको हडिया गाविस - ८ खैरामा शनिबार सँाझ चट्याङले लागेर एक किशोरीको मृत्यु भएको छ ।  घर नजिकैको खेतमा धान रोपी रहेकी अवस्थामा करिव साढे ४ बजे चट्याङले लागेर १७ वर्षीय पुनम चौधरीको घटनास्थलमै मृत्यु भएको प्रहरी नायव उपरीक्षक मनोज यादवले वताए । ७/८ जनाको समुहमा धान रोपी रहेकको खेतमा चट्यङ पर्दा पुनको मात्रै मृत्यु भएको हो । अन्य सकुसल रहेका छन।