- गणेश चुदाली

 

बाँकेमा गएराती एकजनाको नालामा डुबेर मत्यु भएको छ ।  रझेना ७ स्थित सुतैया नालामा डुबेर ३० वर्षिया महिला रम्भा चौधरीको मृत्यु भएको इलाका प्रहरी कार्यालय कोहलपुरले जनाएको छ । खेत रोप्न गएकी चौधरीको घर फर्किने क्रममा पानी जमेको नालामा खस्दा डुबेर घटनास्थलमै मृत्यु भएको हो ।   

बाँकेकै अर्को खबरमा बाँकेका छुट्टछुट्टै स्थानमा भएको सवारी दुर्घटनामा परी ९ जना घाइते भएका छन् । कोहलपुरको किरण नालास्थित भे १ ज १४८ नम्बरको जीप गएराती दुर्घटना हुँदा ८ जना यात्रु घाइते भएका छन । कोहलपुरबाट पश्चिम जाँदै गरेको जीप सडकमा िहंडिरहेका साइकल यात्रीलाई बचाउन खोज्दा दुर्घटनामा परेको प्रहरीले बताएको छ । घाइतेहरुको मेडिकल कलेज कोहलपुरमा उपचार भईरहेको छ ।

यस्तै कोहलपुरको न्यूरोडमा गएराती मोटरसाइकलको ठक्करबाट एक बालिका घाइते भएकी छिन् । दशबिगाहदेखि कोहलपुर बजार तर्फ आईरहेको भे १ प ५७६२ नम्बरको मोटरसाइकलको ठक्करबाट कोहलपुर ३ बस्ने ३ वर्षिया बालिका प्रेरणा पोख्रेल घाइते भएकी हुन । घाइते बालिकाको मेडिकल कलेज कोहलपुरमा सामान्य उपचार पछि थप उपचारका लागि लखनउ रेफर गरिएको प्रहरीले जनाएको छ ।