सातसय रुपैयाँ ऋण नतिरेका कारण छिमेकीको हत्या    
(२०६७ श्रावण १४, शुक्रवार)
डडेल्धुरा (अमरगढी), - सातसय रुपैयाँ ऋण नतिरेका कारण डडेल्धुराको देवल गाविसमा एक छिमेकीको अर्का छिमेकीले हत्या गरेका छन् ।
देवल गाविस वडा नं २ का लक्ष्मणसिंह बिष्टको उनकै छिमेकी धनबहादुर भण्डारीले गतवर्ष लिएको उक्त रकम नतिरेको विषयमा विवाद भएपछि हत्या गरेको प्रहरीले जनाएको छ । प्रहरी निरीक्षक प्रेमबहादुर खड्काका अनुसार मदिरासेवन गरी छिमेकी भण्डारीले कुटपिट गरेपछि बिष्टको मृत्यु भएको स्थानीय बासिन्दाले जानकारी दिएको हो ।
हत्यामा संलग्न भण्डारीलाई पक्राउ गरिसकेको प्रहरीले जनाएको छ । रासस | 
