संयुक्त लोकतान्त्रिक मधेशी मोर्चाले प्रधानमन्त्रीको निर्वाचनमा मतदान गर्ने/नगर्ने निर्णय अझै गर्न सकेन           (२०६७ श्रावण ११, मंगलवार)

मधेशी जनअधिकार फोरम (लोकतान्त्रिक), मधेशी जनअधिकार फोरम, तराई मधेश लोकतान्त्रिक पार्टी र सदभावना पार्टीको संयुक्त गठवन्धन रहेको मोर्चामा तीन दलले एउटै निर्णयमा पुग्दा चौथोलाई समेत त्यसैमा जानुपर्ने अवस्था छ । संसदमा फोरम (लोकतान्त्रिक) को २८, फोरमको २५, तमलोपाको २० र सद्भावनाको ९ गरी मुख्य मधेसी मोर्चाको ८२ सभासद छन् ।

मोर्चाले माओवादी पक्षमा मतदान गरेर वहुमतीय सरकार निर्माण गरेपछि एमाले लगायतका केहि साना पार्टी त्यो सरकारमा सामेत हुने निचोड समेत  केहि नेताको छ । 'माओवादी लडाकु समायोजनका लागि ४ महिनाको समय, सेनाको संख्या भन्न एक महिना दिनु, लडाकुलाई तत्काल विशेष समितिअन्तर्गत ल्याउनुजस्ता माग माओवादीलाई सहज हुन गरिएको हो,' स्रोतले भन्यो ।

हालसम्म मोर्चा अवधारणापत्रमा माओवादी र कांग्रेसँग हुने वार्ताको निष्कर्षको आधारमा मोर्चाले १७ गते हुने मतदान प्रक्रियामा आफ्नो भूमिका निर्वाह गर्छ । मोर्चाले जारी गरेको आधार पत्र अनुसार आत्मनिर्णयको अधिकार सहित स्वायत्त, मधेश प्रदेशको स्थापना, राज्य पुनर्संरचना आयोग, सेना प्रहरी लगायतका सवै सार्वजनिक सेवा, सम्वैधानिक र संस्थानहरुमा मधेसीको समावेसी करण गर्न आरक्षण, सरकारसंग भएको आठ र २२ वुँदे सम्झौता कार्यान्वयन, चैत मसान्त भित्र संविधान जारी गर्नु पर्ने, सेनाको संरचनालाई समावेसी र लोकतान्त्रिकरण गर्न गर्ने प्रकृया सुरु गर्नु पर्ने, शान्ति प्रकृया लगायतका मुद्दामा कांग्रेस र माओवादीको लिखित प्रतिवद्घता पर्खिरहेको छ ।

प्रधानमन्त्री माधवकुमार नेपालको राजीनामासँगै आफ्नो 'वार्गेनिङ' शक्ति बढाउन मधेसी नेताबीच तीव्र भएको रणनीतिक बैठकले अन्ततः मोर्चा निर्माण गरेको थियो । हालसम्म चारै पार्टीको एक स्वर देखिएकोले मोर्चा निर्णायक शक्तिको रुपमा देखिएको छ ।