छत्रगंञ्जको टुनिचौरका कुमाल समुदायलाई सोलार बत्ति वितरण कार्यक्रम सम्पन्न, सोलर पाएपछि हर्षित (फोटो सहित)

छत्रगंञ्जको टुनिचौरका कुमाल समुदायलाई सोलार बत्ति वितरण कार्यक्रम सम्पन्न, सोलर पाएपछि हर्षित (फोटो सहित)


असलम अली

छत्रगंञ्ज, अर्घाखाँची (अर्घाखाँचीडट्कम) । अर्घाखाँची जिल्लाको छत्रदेव गाउँपालिका वार्ड नम्बर ५ छत्रगंञ्जको टुनिचौरमा निशुल्क सोलार बत्ति वितरण गर्ने कार्यक्रम सम्पन्न भएको छ।


छत्रगंञ्जको टुनिचौरका जनजाति समूहमा पर्ने  कुमाल बस्तीमा आज बुधवार सोलार बत्ति वितरण गर्ने कार्यक्रम सम्पन्न भएको हो । 


टुनिचौरका करिब २० घरपरिवारलाई लक्षित गरेर ८०  वाट क्षमता भएको सोलार बत्ति वितरण गरिएको वार्ड अध्यक्ष बालकृष्ण श्रेष्ठले अर्घाखाँचीडट्कमलाई जानकारी दिनुभयो । सोलार बत्ति  वितरण कार्यक्रम प्रमुख अतिथि पालिका अध्यक्ष लेखनाथ पोख्रेल, विशिस्ट अतिथि उपाध्यक्ष तुल्सीदेवी श्रेष्ठ र जनप्रतिनिधिको उपस्थिति रहेको थियो । 


कार्यक्रममा साेलार बत्ती वितरण गर्दै अध्यक्ष लेखनाथ पोख्रेलले आर्थिक वर्ष विनियोजित बजेटबाट दलित उज्यालो–बस्ती कार्यक्रम संचालन गरिएको बताउनु भयो । अध्यक्ष पोख्रेलले दलित समुदायलाई अगाडि बढनको लागि गाउँपालिकाले बिभिन्न खालका दलित केन्द्रित कार्यक्रम ल्याएको बताउनु भयो । वार्ड नम्बर–१ देखि ८ सम्मका सम्पुर्ण दलित समुदायलाई सोलार बत्ती वितरण गर्ने अभियान जारीरहेको पनी उहाँको भनाई छ ।


साथै कार्यक्रम वार्ड अध्यक्ष बालकृष्ण श्रेष्ठको अध्यक्षतामा सम्पन्न भएको थियो । 

गाउँपालिकाले सोलर बत्ती वितरण गरेपछि त्यँहाका दलित समुदाय हर्षित बनेका छन् ।

अन्य समाचारहरु