धनकुटाका घरहरु खरमुक्त, विपन्न परिवारलाई १५ वर्ष ढुक्क

धनकुटाका घरहरु खरमुक्त,  विपन्न परिवारलाई १५ वर्ष ढुक्क


प्रकाश लिम्बु इमेज च्यानल

तेह्रथुम, जेठ २३ । धनकुटामा खरको छाना बिस्थापित गर्ने अभियान थालिएको छ ।


यहाँका स्थानीय तहहरुले खरको छाना विस्थापित गरी विपन्नका घरमा जस्तापाता लगाउने अभियान थालेका हुन् ।

धनकुटाको महालक्ष्मी नगरपालिकाले ‘खरमुक्त नगर’ बनाउने अभियान सुरु गरेपछि स्थानीय खुसी भएका हुन् ।

लामो समयदेखि खरको छानामुनि बसेका परिवारलाई स्थानीय तहहरुले जस्तापाता उपलब्ध गराएपछि विपन्न परिवारमा खुसि छाएको छ ।

आर्थिक विपन्नताका कारण खरको छानामुनी कष्टकर जीवन बिताइरहेका नागरिकलाई नगरपालिकाले जस्तापाता वितरण गर्ने भएपछि उनीहरु खुसी भएका हुन् ।

खरको झुपडीमा पानी र हावाहुरी आउँदा छिमेकीको शरण लिनुपर्ने बाध्यता रहेको स्थानीयको दुखेसो छ ।

वर्षायाम सुरु भएसँगै दैनिकजसो पानी परेको हुँदा खरका छानाबाट पानी चुहिने समस्या भएका विपन्न परिवारले जस्तापाता पाएसंगै ढुक्कले निदाउन पाउने भएका छन ।

नगरपालिकाले जस्तापाता वितरण गरेपछि विपन्न परिवारलाई १५ वर्ष ढुक्क भएको छ ।

वर्षौदेखि फुसको चुहिने छानो मुनि बस्न बाध्य स्थानीयले जस्तापता पाएपछि हरेक बर्ष खर, बाँसको झन्जटबाटसमेत मुक्ति पाएका छन् ।

खरको छाना बिस्थापन गर्ने नीति स्थानीय तहले लिएसंगै अहिले टिनको छाना टलल्ल टल्कीदा गाउँघरनै उज्यालो झैं देखिन्छ ।

महालक्ष्मी नगरपालिकाले गत वर्षबाट सुरु गरेको खरका छाना मुक्त गर्ने अभियानले आगामी आर्थिक वर्षभित्र नगरलाई फुसको छानारहित बनाउने लक्ष्य लिएको छ ।

वडा कार्यालयको सिफारिसमा परेका नगरपालिका भित्रका दुई सय २० घरपरिवारलाई जस्तापाता यस वर्ष अनुदानमा वितरण गरिएको हो ।

नगरपालिकाको गरिब तथा विपन्न परिवारको खरको छानो विस्थापित कार्यक्रम अन्तरगत महालक्ष्मी नगरपालिकाले चालू आर्थिक वर्षमा एक करोड रुपैयाँ विनियोजन गरेको थियो ।

फुसको छानो हुँदा वर्षासँगै आगोलागी तथा हावाहुरीको समयमा समस्या हुने गरेको भएपनि अब समाधान हुने भएको छ ।

नगरपालिकाले गरिब जनताको आशु पुछ्न विकास निर्माणको काम छोडेर पनि विपन्नजनताको घर छाउने अभियानलाई अगाडि बढाएपछि स्थानियले सिंह दरवारको साशन जनताकोे घरदैलोमाआएको झै महशुस गर्न थालेका छन् ।

अन्य समाचारहरु