हेटौंडामा राष्ट्रिय सभा उपनिर्वाचनको मतदान जारी | गृहमन्त्री थापाको भाग्य र प्रधानमन्त्री ओलीको साख परीक्षा

हेटौंडामा राष्ट्रिय सभा उपनिर्वाचनको मतदान जारी | गृहमन्त्री थापाको भाग्य र प्रधानमन्त्री ओलीको साख परीक्षा


हेटौडा । बागमती प्रदेशमा रिक्त रहेको राष्ट्रिय सभा सदस्य पदको उपनिर्वाचनको मतदान प्रक्रिया हेटौंडामा सुरु भएको छ ।

आज बिहीबार हेटौंडा उपमहानगर वडा नम्बर ४ मा रहेको भुटनदेवी माध्यामिक विद्यालयमा मतदान सुरु भएको हो ।

विहान ९ बजेबाट सुरु भएको मतदानमा बागमती प्रदेश सरकारका मुख्यमन्त्री डोरमणि पौडेल सहित प्रदेश सभाका सदस्य, गाउँ÷नगरपालिकाका प्रमुख/उपप्रमुख लामबद्ध भई मतदानमा सहभागि भएका छन् ।

मतदान केन्द्रमा उम्मेदवारहरु गृहमन्त्री राम बहादुर थापा डा. खिमलाल देवकोटा र कृष्ण बहादुर तामाङको उपस्थिती रहेको छ ।

मतदान गर्न विद्यालयको पूर्वपट्टिको गेटलाई कोरोना पोजेटिभ मतदाताले प्रयोग गर्नेछन भने पश्चिमतिरको गेटलाई अन्य मतदातालाई प्रवेश गराइएको निर्वाचन अधिकृत डिल्लीरत्न श्रेष्ठले जानकारी गराउनुभयो ।

मतदान दिउँसो ३ बजे सम्म हुनेछ भने साँझ सम्ममा नतिजा प्रकाशन गरिने अधिकृत श्रेष्ठले बताउनुभयो ।

भोट खसाल्न तीनवटा बुथको व्यवस्था गरिएको छ । ‘क’ बुथमा प्रदेशसभा सदस्यहरुले मतदान गर्नेछन् भने ‘ख’ मा स्थानीय तहका प्रमुख/उपप्रमुखले मतदान गर्नेछन् ।

यस्तै कोरोनाभाइरस संक्रमण भएका प्रदेशसभा सदस्य तथा स्थानीय तहका प्रमुख/उपप्रमुखका लागि ‘ग’ बुथको व्यवस्था गरिएको छ ।

बागमती प्रदेशसभा सदस्य ११० जना मध्ये एक सदस्यको मृत्यु भएको छ भने प्रदेशका १३ जिल्लाका ११९ स्थानीय तहका प्रमुख र उपप्रमुख गरी २३८ जना मतदाता रहेका छन् ।

प्रदेश सभा सदस्यको एक मतको संख्या ४८ हुनेछ भने स्थानीयतहका प्रमुख/उपप्रमुखको एक मतको संख्या १८ गणना हुने निर्वाचन आयोगले जनाएको छ । इमेजखबरमा समाचार छ । 
हेटौंडामा राष्ट्रिय सभा उपनिर्वाचनको मतदान जारी | गृहमन्त्री थापाको भाग्य र प्रधानमन्त्री ओलीको साख परीक्षा

अन्य समाचारहरु