Login or Subscribe

"सुपा देउराली" (छेस्का कविता)



ज्ञान बहादुर छेत्री 

(१) नबसौँ खाली 
         दर्शन गरौं
            सुपा द्यौराली ।

 (२) आस्था अटल
          रहेको छ यो
               पवित्र स्थल ।

(३) हेर्दा छ जाती
          मन्दिर छ यो
               पहरो माथि ।

(४) शान्ति मनको
          हुन्छ घुइँचो 
              भक्तजनको ।

(५) सुपा द्यौराली
          सधैंको भिड
              हुँदैन खाली ।

(६) हृदय खोली
          सन्तुष्ट हुन्छन्
                दिएर बलि ।

(७) सबैको आस
          पुग्दछ भन्ने
              जनविश्वास  ।

(८) गर्छन् प्रतीक्षा
           पुग्दछ भनी
               मनको इच्छा ।

(९) पहरो भित्र
          देखिन्छ यौटा
              अनौठो चित्र ।

(१०) भनिन्छ यहाँ
            टाँसिएको छ
                लाहुरे त्यहाँ ।

(११) भएछ गल्ती
             चाख लाग्दो छ
                   त्यो किंवदन्ती ।

(१२) सहेको व्यथा
             लाहुरेको त्यो
                 अनौठो कथा ।

(१३) पानीको मूल
            माथि छ नया
                झोलुङ्गे पुल ।

(१४) पाइन्छ यहाँ
             गर्मीमा पनि
                 शीतल छाया ।

(१५) प्रकृति पनि
            रम्दछ यहाँ
                 सौन्दर्य बनी ।

(१६) शिखरसम्म
            लाली गुराँस
                 छ लटरम्म ।

(१७) भरिन्न मन
             हेर्ने लायक
                 अरू पनि छन् ।

(१८) हेरौं नियाली 
            अर्घाखाँचीको
                  सुपा द्यौराली ।

अन्य समाचारहरु

बाच्न मुस्किल छ (कविता)

मई दिवस

प्रतिगामीहरु हार स्विकार गर्नुपर्छ (कविता)

शिर्षक नमिलेकाे (कविता)

अर्घाखाँचीकी सपना आचार्यको "मलिलो माटो" उपन्यास सार्वजनिक

के गरी हो बाच्ने (कविता)

झाेलाकाे वजन (कविता)

"भ्यु - टावर (कविता)

समानताको बाटो खाेजाैं (कविता)

हर्केकाे चिठ्ठि

फुल (कविता - गजल)

सुरुङ खन्ने मुसा (कविता)

सार्वजनिक (गजल)

गाउँ फर्क (कविता)

जुटेका मानिसहरु

एमसिसी खारेज गर (कविता-गजल)

मुठ्ठी उठाई (कविता)

एमसिसी र नेता (कविता)

किन चाहियो विवादित एमसीसी ? ( कविता)

स्थानीय तह निर्वाचन (छेस्का कविता)

सतर्कता अपनाऔ (कविता)

Arghakhanchi.Com