भुमिकास्थान नगरपालिकाले स्थानीय पाठ्यक्रम निर्माण गर्दै, ५१ वटा प्रश्नको उत्तरबाट सुझाव लिने अभियानमा

भुमिकास्थान नगरपालिकाले स्थानीय पाठ्यक्रम निर्माण गर्दै, ५१ वटा प्रश्नको उत्तरबाट सुझाव लिने अभियानमा


गोपाल प्रसाद भट्टराई 

धनचौर, अर्घाखाँची (अर्घाखाँचीडट्कम) । समुदायमा लोप हुन लागेका भाषा,सस्कृती,ज्ञान र प्रविधिको पुस्तान्तरणको निम्ति स्थानीय पाठ्यक्रमको खाचो रहेको सरोकारवालाले बताएका छन् ।


अर्घाखाँचीको भुमिकास्थान नगरपालिकाले निर्माण गर्न लागेको स्थानीय पाठ्यक्रमको लागि सुझाव दिने सरोकारवालाहरुले यस्तो बताएका हुन् ।

स्थानीय पाठ्यक्रम निर्माणको निम्ति नगरपालिकाले गठन गरेको कार्यदलले नगरपालिकाका १० वटै वडामा सरोकारवालासंग सुझाव संकलन कार्यलाई तिब्र पारेको नगरशिक्षा शाखा प्रमुख तुवलाल सापकोटाले जानकारी दिनुभएको छ । उहाँका अनुसार आज वडा नम्बर १ र २ को विश्व मा.वि.ढाकावाङ,५ र ६ को जनप्रीय मा.वि.असुरकोट र ९ र १० को भगवती मा.वि.डेभामा अन्तरक्रिया गरि सुझाव संकलन गरिएको छ । 

कार्यदलका सदस्य तथा नुवाकोट मा.वि.का प्र.अ.पान बहादुर खत्रीको सहजीकरण र भगवती मा.वि.का प्र.अ.कृष्ण प्रसाद खनालको संचालनमा डेभामा सम्पन्न कार्यक्रममा भुमिकास्थान-९ का वडाध्यक्ष नरायण प्रसाद खनाल,१० का वडा सदस्य जनक गैरे,विभिन्न राजनीतिक दल, शिक्षक, विद्यार्थीका प्रतिनिधि,जन जागृति मा.वि. धनचौरका पि.टि.ए. अध्यक्ष गोपाल प्रसाद भट्टराई लगायतको सहभागीता रहेको थियो । 

स्थानीय पाठ्यक्रम निर्माणको लागि भुमिकास्थान नगरपालिकाले ५१ वटा प्रश्नको उत्तरबाट सुझाव लिने गरि अभियान चलाएको छ ।

अन्य समाचारहरु