मालारानी गाउँपालीकामा एक घर एक खानेपानी धारा अभियानले सार्थकता पाउँदै गएपछि स्थानीयमा खुसीयाली

मालारानी गाउँपालीकामा एक घर एक खानेपानी धारा अभियानले सार्थकता पाउँदै गएपछि स्थानीयमा खुसीयाली


गणेश खनाल

खनदह, अर्घाखाँची (अर्घाखाँचीडट्कम) ।  अर्घाखाँची जिल्लाको मालारानी गाउँपालीकाका गाउँबस्तीमा एक घर एक खानेपानी धारा अभियानले सार्थकता पाउँदै गएपछि स्थानीयमा खुसीयाली छाएको छ । 


घर घरमा धारा पुगेपछि घण्टौ धाएर खानेपानी ल्याउनु पर्ने बाध्यता हल भए गाउँले खुसीले गदगद भएका छन् । पछिल्लो २ वर्षमा मात्र मालारानीका झन्डै प्रन्ध सय स्थानीयको घरमा धारा जडान गरिएको मालारानी गाउँपालीका अध्यक्ष बालकृष्ण आचार्यले जानाकारी दिए । चुनावमा जनताहरुलाई दिएको वाचा अनुसार काम गरिरहेको बताउदै आचार्यले नपुगेका ठाउँमा अहिलेको बजेटमा प्राथमिकता दिइएको आचार्यको भनाई रहेको छ ।

आठ वडा रहेको गाउँपालीकामा केहि स्थानमा विद्युतिय लिफ्टबाट खानेपानी लिईरहेका उपभोक्ताहरुलाई ५० प्रतिसत अनुदान उपलव्ध गराईरहेको मालारानी गाउँपालीका सवईन्जियर हरिशचन्द्र पाण्डेले जानाकारी दिए । मालारानी गाउँपालीका वाडनम्वर ३ का स्थानीयहरुलाई जिल्लामै पहिलो प्रयोग गरिएको बोरिङ्ग मार्फत खानेपानी पु¥याईएको गाउँपालीका उपाध्यक्ष प्रमिला क्षेत्रीले बताईन । ३ सय मिटर तल जमिन मुनीबाट पानी निकाले ट्याक्की मार्फत गाउँहरुमा खानेपानी वितरण गरिएको छ । 

झन्डै ७ करोडको लगानी गाउँपालीका सबै जसो वाडहरुमा खानेपानी पहुच पु¥याईएको प्रमुख प्रशासकिय अधिकृत रमेश पन्थीले बताए । हालको बजेटमा अपुरा रहेका खानेपानी योजनाहरुलाई प्राथमिकता राखी बजेटलाई प्राथमिकता दिईएको योजना प्रमुख नेत्र प्रसाद खनालले जानाकारी दिए । पर्यटन,सहकारी,कृर्षी लगाएतका क्षेत्रलाई प्राथमिकता दिएको गाउँपालीकाले आर्थिक वर्षमा पनि सोही अनुसार प्राथमिकता राखी बजेट निर्माण भएको जनाईएको छ । खानेपानीका मुहान संरक्षण तर्फ पनि काम भईरहेको योजना शाखाका कर्मचारी पदम आचार्यले बताए ।

अन्य समाचारहरु