सिद्धाराको श्री जन जागृति मावि बाघखोरमा ३७ औं वार्षिक उत्सब तथा अभिभावक दिवस मनाइयो

सिद्धाराको  श्री जन जागृति मावि बाघखोरमा ३७ औं वार्षिक उत्सब तथा अभिभावक दिवस मनाइयो


गणेश बेल्बासे संगम

 सिद्धारा, अर्घाखाँची । अर्घाखाँची जिल्लाको शितगंगा नगरपालिका – १० सिद्धाराको बाघखोरमा रहेको श्री जन जागृति माध्यमिक विद्यालयले ३७ औं वार्षिक उत्सब तथा अभिभावक दिवस मनाएको छ ।


विद्यालयका प्रधानाध्यापक रोमाखर बन्जाडेले विद्यालयको वार्षिक प्रगति प्रतिवेदन प्रस्तुत गर्नु भएको थियो । स्थापनाकालदेखि हालसम्म शैक्षिक विकास र गुणस्तरीय शिक्षामा उच्च प्राथमिकतामा राख्नुका साथै विद्यार्थीहरुको सर्वाङ्गिण विकासमा विद्यालयमा पढाई सँगसँगै अतिरिक्त क्रियाकलापहरु पनि सञ्चालन गरि रहेको उहाँले जानकारी गराउनु भयो ।

प्रमुख अतिथीका रूपमा कार्यक्रममा बोल्दै शितगंगा नगर प्रमुख सूर्य प्रसाद अधिकारीले विद्यालयलाई नमुना विद्यालय तथा विद्यालयको भौतिक र शैक्षिक गुणस्तर वृद्धिकाे लागि शुभकामना दिनुभयाे । उहाँले शिक्षाको क्षेत्रमा गुणस्तरीय शिक्षा प्रदानका लागि नगरपालिकाले सहयाेग गर्ने बताउनुभयाे । त्यसै सन्दर्भमा उहाँले अक्ष्य कोषका लागि १ लाख ५० हजारको चेकसमेत हस्तान्तरण गर्नु भएको थियो ।

विशिष्ट अतिथि नेपाली कांग्रेस सभापति केशव श्रेष्ठले विद्यालयको गुणस्तर वृद्धिका लागि शुभकामना दिदैं विकट क्षेत्रमा रहेको विद्यालयले गरेको शैक्षिक प्रगतिको प्रशंसा गर्नु भयो । त्यसै सन्दर्भमा उहाँले छात्रावासमा व्यवस्थापनका लागि २ लाख ४० हजार आर्थिक सहयोग हस्तान्तरण गर्नु भएको थियो ।

कार्यक्रमलाई समापन गर्दै विद्यालय व्यवस्थापन समितिका अध्यक्ष भिम केसीले सहयोग गर्ने सम्पूर्णलाई धन्यवाद ज्ञापन गर्दै विद्यालयको शैक्षिक तथा भौतिक विकासको लागि आफुले सबैसँग सहकार्य गरी अगाडि बढने प्रतिबद्धता जाहेर गनुभयो ।

कार्यक्रममा शुभकामना मन्तव्य राख्ने वक्ताहरुले विद्यालयले शैक्षिक गतिविधिमा उल्लेखनिय योगदान दिएको भन्दै विद्यालयको शैक्षिक प्रगतिको खुलुर प्रशंसा गरे । साथै विद्यालयको शैक्षिक प्रगतिको शुभकामना व्यक्त गरेका थिए ।

विद्यालयकाे वार्षिक उत्सवकाे अवसरमा कक्षा १०, ११ र १२ मा उत्कृष्ट हुने विद्यार्थीहरूलाई अक्ष्य कोषको रकमबाट छात्रवृत्ति वितरण गरिएको थियो । त्यस्तै शैक्षिक सत्र २०७७ मा उत्कृष्ट हुने विद्यार्थीहरु लाई शैक्षिक पुरस्कार वितरण गरिएको थियो । सोही अवसरमा आयोजना गरिएको सदनात्मक खेलकुदमा उत्कृष्टता हासिल गर्ने विद्यार्थीहरुलाई पनि पुरस्कार वितरण गरिएको थियो । साथै विद्यालयलाई उत्कृष्ट बनाउन सकृय भुमिका खेल्ने विद्यालयका शिक्षक, अभिभावक तथा दाताहरू लाई समेत सम्मान गरिएको थियो ।

शिक्षक केशव बेल्बासेको स्वागत मन्तव्यबाट सुरू भएको कार्यक्रमको सञ्चालन शिक्षक ईश्वरी पोख्रेलले गर्नु भएको थियाे ।

अन्य समाचारहरु