काठमाडौंको तारकेश्वर नगरपालिकाले सबै कोराेना संक्रमितलाई पाँच हजार दिने

काठमाडौंको तारकेश्वर नगरपालिकाले सबै कोराेना संक्रमितलाई  पाँच हजार दिने

काठमाडौंको तारकेश्वर नगरपालिकाले कोराेना संक्रमित भई होम आइसोलेसनमा बसेका व्यक्तिलाई रु. पाँच हजार दिने भएको छ ।

नगरपालिकाभित्र कोरोना संक्रमित भई होम आइसोलेसनमा बसेका व्यक्तिलाई पोषण भत्तास्वरूप रकम दिइने भएको हो । 

कोरोना पजिटिभ देखिएर आइसोलेसनमा बसेका बिरामीलाई प्रत्येक वडा कार्यालयबाट स्वास्थ्य शाखामा समन्वय गराई प्राप्त विवरणका आधारमा रकम वितरण गर्ने व्यवस्था गरिएको सूचना अधिकृत होमनाथ न्यौपानेले बताए । 

हाल नगरपालिकामा कोरोना संक्रमित दुई हजार ८६ रहेकामा आठ सय ६६ महिला र एक हजार दुई सय २० पुरुष  छन् ।

निको हुनेको संख्या एक हजार आठ सय २९ छ । कोरोनाबाट अहिलेसम्म सातजनाको मृत्यु भएको छ अहिले सक्रिय संक्रमित दुई सय ५० जना पुगेका छन् ।  रासस

अन्य समाचारहरु