जलुकेमा नौमुरे जलविद्युत् परियाेजना कार्यालयकाे नवनियुक्त उर्जा मन्त्री रायमाझीद्धारा उद्घाटन (फोटो सहित)

जलुकेमा नौमुरे जलविद्युत् परियाेजना कार्यालयकाे नवनियुक्त उर्जा मन्त्री रायमाझीद्धारा उद्घाटन (फोटो सहित)

अर्घाखाँचीडट्कम संवाददाता

जलुके, अर्घाखाँची  (अर्घाखाँचीडट्कम) ।  अर्घाखाँची जिल्लाको शितगंगा नगरपालिका वार्ड नम्बर ७ ( साविक जलुके-२) मा पर्ने नौमुरे बहुउद्देश्यीय जलविद्युत् परियाेजनाकाे कार्यालय उद्घाटन कार्यक्रम सम्पन्न भएको छ । 


नौमुरे बहुउद्देश्यीय जलविद्युत आयोजना साईट कार्यालयको आईतबार नवनियुक्त उर्जा, जलश्राेत तथा सिंचाइ मन्त्री टाेपबहादुर रायमाझीले उद्घाटन कार्यक्रम सम्पन्न भएको हो ।


२०७४ सालमा भएको प्रतिनिधिसभाको चुनावमा अर्घाखाँची जिल्लाबाट सांसद बनेका टोपबहादुर रायमाझी औपचारिक रुपमा चैत्र २६ गते विहीवार मन्त्रीबाट समेत पदमुक्त भएपछि चैत्र २७ गते शुक्रवार पुन: नियुक्त भएका थिए ।  


नौमुरे बहुउद्देश्यीय जलविद्युत आयोजनाको कार्यालय स्थापनासँगै प्यूठान र अर्घाखाँचीको सिमानास्थित जलुकेमा पर्ने २८१ मेगावाट (२१८;५५;८) क्षमताको जलविद्युत् आायेजना निर्माणको कार्य अघि बढेको छ । 

वर्षौंदेखि अलपत्र अवस्थामा रहेको आयोजनाको सर्वे गर्न थालिएपछि निर्माणकाे कार्य अघि बढ्ने आशा स्थानीयमा पलाएको छ। भारतले सित्तैमा बनाइदिने भनेको लामो समय बितिसक्दा पनि निर्माण प्रक्रिया अघि नबढेपछि सरकार आफैँले यसको निर्माणमा चासो देखाएको हो । पञ्चायती शासनकै बेला २०४४ सालमा सर्वेक्षण गरेर निर्माण थालेपछि अलपत्र परेको थियो ।


२०४४ देखि ०४६ सम्म लगाएर सर्वे गरिएको आयोजनाको निर्माण कार्य सुरु भएको केहि समयमै बन्द भएको थियो। यो आयोजना निर्माण कार्य सम्पन्न गर्ने विषयलाई निर्वाचनमा उम्मेद्वारहरुले चुनावी नारा बनाउने गर्छन। गत प्रदेशसभा र प्रतिनिधिसभाका उम्मेद्वारहरुले पनि नौमुरेलाई मुख्य चुनावी एजेण्डाको रुपमा अघि सारेका थिए।

नेपालका पहिलो कम्युनिष्ट प्रधानमन्त्री मनमोहन अधिकारीको सरकारका बेला नौमुरे परियोजना प्रस्ताव गरिएको थियो । त्यसपछि प्रधानमन्त्री पुष्पकमल दाहाल ‘प्रचण्ड’पहिलो पटक प्रधानमन्त्री हुँदा भारतले यसलाई उपहारस्वरुप बनाइदिने आश्वासन दिएपनि अहिलेसम्म कुनै काम नभएपछि सरकारले निर्माण अघि बढाउने भएको हो ।

यहाँ सुख्खायाममा पनि   २ सय ४५ मेगावाट विद्युत निकाल्न सकिने अध्ययन टोलीले प्रतिवेदन तयार पारेको थियो।


अन्य समाचारहरु