तेह्रथुममा थारु समुदाय लोप हुन लागेको संस्कृतिको संरक्षणमा जुट्न थाले, आदिवासी जनजाति संग्रहालय स्थापना

तेह्रथुममा थारु समुदाय लोप हुन लागेको संस्कृतिको संरक्षणमा जुट्न थाले, आदिवासी जनजाति संग्रहालय स्थापना

प्रकाश लिम्बु इमेज च्यानल 

तेह्रथुम । संस्कृति, संस्कार, भाषा र कलाका धनी थारु समुदाय लोप हुन लागेको संस्कृतिको संरक्षणमा जुट्न थालेका छन् । नयाँ पुस्तासँगै संस्कृति लोप हुने अवस्थामा पुगेकाले पहिचान बचाउन एकजुट हुन थालेका हुन् ।

पुस्ता हस्तान्तरण हुन नसक्दा आदिवासी जनजातीहरूको मौलिकता लोप हुन थालेको छ । संस्कृति र मौलिकतालाई संरक्षण गर्ने उदेश्यले उनीहरूले सुनसरीको रामधुनी नगरपालिका शिवनगरमा आदिवासी जनजाति संग्रहालय स्थापना गरेर थारु संस्कृतिको जगेर्ना गर्न लागिएको हो ।

थारु समुदायको सुरुवातदेखि अहिलेसम्मको खोज र अनुसन्धानलाई संग्रहालयमा संग्रह गरिएको संग्राहलय व्यवस्थापन समितिका अध्यक्ष फागुलाल चौधरी बताउनुहुन्छ ।

संग्रहालयको भित्तामा थारु समुदायको जिवनी चित्रण गरिएको छ । थारु समुदायको जिवनी परापुर्व कालदेखि कृषि क्षेत्रमा आस्रित रहेकाले कृषि क्षेत्रलाई संग्रहालयमा जस्ताको तस्तै चित्रण गरिएको देख्न सकिन्छ । संग्रहालय बनेपछि थारु समुदायको भेषभुषा रहनसहन र कला संस्कृति संरक्षण हुने थारु अगुवाहरूको विश्वास छ ।

थारु समुदायको सक्रियतामा स्थापना गरिएको संग्रहालयमा लोप हुन लागेका सामग्रीहरूको संकलन हुँदै आएको छन् । संग्रहालय स्थापनाले थारु समुदायका नयाँ पूस्ताहरू आफ्नो संस्कृतिको बारेमा जान्ने अवसर पाउने आदिवासी जनजाती महासंघको भनाइ छ । थारु जाति आफैँमा पहिचान भए पनि समूदाय भित्रका संस्कृतिको संरक्षण गर्नु पर्ने दायित्व सरकारको भएको सञ्जय सन्तोषी राइको भनाइ छ ।

पुस्ता हस्तान्तरण हुन नसकेपछि आदिवासी जनजाती समुदायको पहिचान र अस्तित्व संकटमा पर्दै गएको छ । लोपउन्मुख कला संस्कृतिको संरक्षण गर्न सके नयाँ पुस्ताहरूका लागि खोज अनुसन्धानको केन्द्र बन्न सक्छ । त्यसैले थारु समूदायले आफ्नो भाषा र संस्कृतिको संरक्षणको लागि गरेको मेहनतमा सरकारको पनि केही सहयोग भए समूदायको दिगो पहिचानमा टेवा पुग्ने थियो ।

अन्य समाचारहरु