सामाजिक सदव्यवहार (कविता )

सामाजिक सदव्यवहार (कविता )


पिताम्बर बन्जाडे

सफाईकर्मी , स्वास्थ्यकर्मी , सुरक्षाका साथी ।
गर्छन् सेवा जिउज्यानको लगाएर बाजी ।।
सभ्य भन्ने केही अक्कली देख्दा तिम्रो मति ।
अत्याचार किन गर्छौ ? ज्यूँदा ईश्वर माथि !!

आपद् विपद् संसारमा पर्दैन र कसलाई ?
आफूबाँची सकेसम्म बचाऊँ अरूलाई ।।
प्रकृतिले मानिसलाई सिकाउँदै छ विशेष ।
मानिसले मानिसलाई गर्नु हुन्न निषेध ।।

धनसम्पत्ति मानशान सवै होइन रैछ ।
सदभाव राख्ने मान्छे मात्र महान बन्दो रैछ ।।
जे छ आफूसंग त्यही दिई सेवा गरौं !
आफ्नै जस्तो मन हो सवको भन्ने ख्याल राखौं !!
जय होस् !!!