गोब्रे किरा (बाल कविता)

 गोब्रे किरा (बाल कविता)

पिताम्बर बन्जाडे

संसारमा देख्ने बुझ्ने धेरै कुरा छन् ।
आज देखें गोब्रे किरा छक्कै परे म,
देखेर नै धेरै कुरा सिक्न सकिनछन् ।
धेरै कुरा तिम्रो हाम्रो वरीपरी छन ।।

गोबरमै जन्म भई गोबरमै घर ।
गोबरसंगै खेल्दो रैछ गोला बनाएर ।।

गोबरका गोलागोला डल्ला पार्दापार्दा ।
छक्कै परें डल्लासंगै गुल्टुङ्बाजी मार्दा ।।

कैले हुन्थ्यो डल्लामाथि कैले डल्लामुनि ।
थाहाछैन विचरालाई फोहर भन्ने पनि ।।

भो भो आमा ! मैले त फोहर खेलाउँदिन ।
फोहरसंग खेल्नेलाई मैले रुचाउँदिन ।।

फोहरसंग खेल्यो भने धेरै रोग लाग्छ ।
सफासुघर रह्यो भने रोग टाढा भाग्छ ।।