– श्याम निरौला
सङ्खुवासभा – सङ्खुवासभाको माङ्तेवामा जङ्गली च्याउ खाँदा २ जनाको मृत्यु भएको छ भने एकै परिवारका ४ जना गम्भीर बिरामी परेका छन्। विषालु च्याउ खाँदा माङ्तेवा गाविस-५ जउल गाउँका ज्ञानबहादुर राईका ५ वर्षीय छोरा पर्सन राई र उनकी बहिनी ४ वर्षकी पूजा राईको आइतबार मृत्यु भएको हो।
ज्ञानबहादुरका भतिजा चित्रसेन सोताङ राईका अनुसार च्याउ खाँदा ज्ञानबहादुरको ८ वर्षकी छोरी सविना राई, १३ वर्षकी रिनुता राई र ५६ वर्षकी श्रीमती चण्डीमाया राई गम्भीर बिरामी परेका छन्। उनीहरुमध्ये ७१ वर्षीय ज्ञानबहादुर र ८ वर्षकी छोरी सविनाको अवस्था चिन्ताजनक छ।
उक्त गाविस माङ्तेवामा स्वास्थ्य चौकी नभएकाले उनीहरुको उपचार हुन नसकेको बताइएको छ। बिरामीलाई उपचारका लागि सदरमुकामस्थित जिल्ला अस्पताल ल्याउन १२ घण्टाभन्दा बढी लाग्नेछ।
जेष्ठ २३ गते, २०६७ मा प्रकाशित
