पुजा अर्चनाका लागि भनि आएका पूर्व राजा ज्ञानेन्द्र शाह भेटघाटमा व्यस्त

साढे चार बजे स्थानीय सम्झना होटलमा आइपुगेका शाहले त्यहाँ आफ्ना पारिवारिक नातेदारहरु, सञ्चारकर्मी, राप्रपा नेपालका कार्यकर्ता, विद्वत परिषद् लगायत अन्य राजावादी तथा हिन्दूवादी संगठनका कार्यकर्ताहरुलाई अलग अलग भेटेका थिए । शिव सेना, हिन्दू युवा संघ लगायतका कार्यकर्ताहरु पनि होटेल परिसरमा देखिएका थिए । शाहलाई भेट्ने मध्ये अधिकांशले बिन्तीपत्र, कदरपत्र, बिभिन्न खाले उपहार दिएका थिए ।

स्थानीय सञ्चारकर्मीसँग भेटघाटको कार्यक्रम रिपोर्टर्स क्लव पर्साले मिलाएको थियो । शाहले सबै सञ्चारकर्मीसँग उभिएर परिचय गर्नुका साथै यस क्षेत्रका संचारकर्मीहरुको समस्याहरुबारे पनि जानकारी लिए ।

स्रोतका अनुसार, बुधबार परवानीपुर बजारमा बैष्णो मन्दिरको प्रथम पुजा अर्चना समारोहमा न्युन संख्यामा सर्वसाधारणको उपस्थितिका कारण शाह स्थानीय आयोजकहरुसँग रुष्ट रहेका छन् ।