दक्षिण तथा मध्य एशिया हेर्ने अमेरिकी उपसहायक विदेशमन्त्री अलिसा आयर्स काठमाडौंमा

दक्षिण तथा मध्य एशिया हेर्ने अमेरिकी उपसहायक विदेशमन्त्री अलिसा आयर्स बिहीबार काठमाडौं आईपुगेकी छिन्। चारदिने नेपाल भ्रमणको सिलसिलामा उनले राजनीतिक नेता, सरकारी अधिकारीहरु, वातावरणकर्मी, र व्यापारिक नेतृत्ववर्गसँग भेट गर्नेछिन्।

 

भेटमा उनले जारी शान्तिप्रक्रिया र संविधान लेखनका लागि अमेरिकी सहयोग, नेपालमा मौसम परिवर्तनको प्रभाव निराकरण, व्यापारिक लगानीको प्रवर्द्धनजस्ता विषयमा कुराकानी गर्ने काठमाडौं स्थित अमेरिकी दूतावासद्धारा बिहीबार जारी विज्ञप्तीमा जनाइएको छ।