काठमाडौं महानगरीय प्रहरी अपराध महाशाखाका प्रमुख एसएसपीलाई उनकै सुरक्षागार्डले गोली प्रहार

काठमाडौं – महानगरीय अपराध महाशाखाका प्रमुख एसएसपी रणबहादुर चन्दलाई उनकै अंगरक्षकले गएराति दुई राउन्ड गोली प्रहार गरेका छन्। एसएसपी चन्द र उनका अंगरक्षक कर्णबहादुर साउदबीच विवाद भएपछि साउदले चन्दलाई ताकेर गोली हानेका थिए। तर उनलाई गोली लागेन।

 

प्रहरी स्रोतका अनुसार शनिबार राति करिब ११ बजे बालुवाटारमा रहेको भाडाको घरमा चन्द र साउदबीच विवाद भएको थियो। स्रोतका अनुसार विवादका बीच एक्कासी साउदले गोली हान्न थालेपछि चन्द कोठाभित्र गएर जोगिएका थिए। पछि अन्य प्रहरीले साउदलाई नियन्त्रणमा लिएका थिए।