फाल्गुन ७ गते, २०६७ मा प्रकाशित
काठमाडौं – प्रेम, सम्बन्ध र जीवनका गीत गाउने विख्यात क्यानडेली रकस्टार ब्रायन एडम्स शनिबार साँझ हुने सांगीतिक कार्यक्रममा भाग लिन अपरान्ह काठमाडौं आएका छन् । उनी निजी विमानबाट अपरान्ह २.२० मा त्रिभूवन विमानस्थलमा उत्रिएका थिए ।
गायक एडम्बर त्रिभूवन विमानस्थलबाट सिधै सोल्टी होटल गएका छन् । सन् ८० को दशकदेखि गीत र स्वरले विश्व संगीतमा आफूलाई सधैं उचाइमा राख्दै आएका गायक एडम्ब ढाकाबाट काठमाडौं आएका हुन् । विश्वकप क्रिकेट उदघाटनमा उनी बंगलादेश गएका थिए ।
ब्रायनले साँझ ८ बजेदेखि दुई घन्टा डेढ दर्जनजति गीत दशरथ रंगशालामा गाउने छन् । गत वर्षदेखि ‘ब्रायन एडम्स लाइभ फुल ब्यान्ड’ नामको विश्वयात्रामा रहेका यी गायकले केही दिनयता भारत र बंगलादेशमा प्रस्तुति दिएका छन् ।
अन्य समाचारहरु
