चैत्र १४ गते, २०६७ मा प्रकाशित
-सिपी खनाल – बुटवल सहयोगी
आज साँझ भैरहवाबाट आउदै गरेको लु १ ख ३६६६ नम्बरको बस बुटवलको मिलनचोक स्थित पशिमान्चल फाईनान्स अगाडि विष्फोट भएको हो।
भैरहवाबाट आउदै गरेको बस फाईनान्स अगाडि यात्रु ओराल्नेक्रममा विष्फोट भएको बताईएको छ ।
शुरुमा टायर पड्केको हो की भन्ने शंका गरिएपनि केहिबेरमै बसमा आगो लगोको देखिएको प्रत्यक्षदर्शीले बताएका छन् । बसको आगो दमकल र क्रेनको प्रयोगले नियन्त्रणमा ल्याइएको प्रहरीले जनाएको छ । बम विष्फोटपछि केहिबेर सडक अबरुद्ध भएको थियो भने अहिले एकतर्फि गाडि चलेको छ ।
प्रहरीले बुटवलमा सुरक्षा चेकलाई तिव्रता दिएको छ । बुटवलको राजमार्ग चौराहामा कडा सुरक्षाका वीचमा चेकजाँच गरिएको ईलाका प्रहरी कार्यालय बुटवलले जनाएको छ । बम गाडिको पछाडि राखिएको अवस्थामा भएको हुन सक्ने अनुमान गरिएको छ।
अचेत अवस्था हुनु पुर्वनै बसका सहचालक कमल वेलवासेले जनाए अनुसार बसभित्रै बम विष्फोट भएको हो।विष्फोट पश्चात गाडि छतविछद अवस्थामा रहेको छ । घाईतेहरुलाई लुम्बिनी अञ्चल अस्पताल बुटवलमा लगिएको प्रहरीले जनाएको छ।घटनास्थलमा प्रहरी स्थानियहरुको भिड लागेको छ।
केहिदिन यता गुडिरहेकै बसमा बम विष्फोट गराउनेक्रम बढेपछि सर्वसाधरण त्रसित भएका छन् ।
यस्तै रुपन्देहीको भैरहवा लुम्बिनी सडकखण्डको गोनाहा ४ बेथरी भन्दा उत्तरपट्टि प्लाष्टिकको बोरामा बेरेर राखिएको बेवारिसे बम फेला परेको छ । बेवारिसे बम बुटवलबाट गएको नेपाली सेनाले निस्क्रिय पारेको छ । बम राखिएको स्थानमा जनतान्त्रिक तराई मधेश मुक्ति पार्टीको पर्चा फेला परेको जनाएको छ ।
अन्य समाचारहरु
