बैशाख १२ गते, २०६८ मा प्रकाशित
तेह्रथुम – गृह मन्त्रालय माओवादीलाई दिए प्रधानमन्त्री झलनाथ खनालको अस्तित्व समाप्त हुने एमाले नेता केपी ओलीले चेतावनी दिएका छन् ।
सोमबार तेह्रथुमको सदरमुकाम म्याङलुङमा आयोजित पत्रकार सम्मेलनमा बोल्दै नेता ओलीले यस्तो कुरा बताएका हुन् । माओवादीलाई गृहमन्त्रालय दिए शान्ति प्रकृया टुंगोमा नपुग्ने बताउँदै नेता ओलीले कुनै पनि हालतमा माओवादीलाई गृह मन्त्रालय नदिने बताए ।
सरकार निर्माण अघि पार्टी अध्यक्ष झलनाथ खनाल र माओवादीबीच भएको सात बुँदे सहमतिप्रति आक्रोशित देखिएका नेता ओलीले कोठामा गरेको गोप्य सहमतिका भरमा देश नचल्ने उल्लेख गरे ।
संविधानसभाको म्याद कुनै पनि हालतमा थप्न नुहने बताउँदै उनले निश्चित समयमा संविधान लेख्न नसक्ने संविधान सभाको म्याद थप्नुको कुनै औचित्य नभएको प्रतिकृया दिए ।
जेठ १४ भित्र कुनै पनि हालतमा नयाँ संविधान जारी नहुने उनको भनाई थियो ।
अन्य समाचारहरु
