जेठ १४ अगाडि नै शान्ति प्रकृया तिब्र पार्न दाहाल-खनाल सहमत
बैशाख ३० गते, २०६८ मा प्रकाशित
काठमाडौं, वैशाख ३०
– प्रधान मन्त्री झलनाथ खनाल र एकीकृत नेकपा माओवादीका अध्यक्ष पुष्पकमल दाहाल जेठ १४ गते अगाडि नै शान्ति प्रकृयालाई तिब्रता दिने विषयमा सहमत भएका छन्। आज दाहाल निवास नयाँ बजारमा भएको छलफलमा प्रधानमन्त्री खनाल र अध्यक्ष दाहालबीच यस्तो सहमति भएको हो। प्रधानमन्त्री खनालका प्रेस सल्लाहकार सूर्य थापाका अनुसार जेठ १४ अगाडि नै संविधान निर्माणमा देखिएका मतभेद कम पार्ने र जनक्रान्तिबाट प्राप्त भएका उपलव्धीहरुको रक्षा गर्ने विषयमा दुबै नेता एकमत भएका छन्। हिजोमात्र सरकारले संविधान सभाको म्याद एक वर्ष थप्न संसदसमक्ष प्रस्ताव दर्ता गराएको छ।
बैशाख ३० गते, २०६८ मा प्रकाशित
