आषाढ़ १३ गते, २०६८ मा प्रकाशित
काठमाडौं – बहुप्रतीक्षित सबैभन्दा सस्तो कार ‘नानो’ नेपाली बजारमा बिक्री सुरु भएको छ। मध्यमवर्गीय नेपाली परिवार लक्ष्य गरी आइतबार सार्वजनिक गरिएको नानोको मूल्य ७ लाख ९८ हजार रुपैयाँ तोकिएको छ। यो मूल्य सबै किसिमका करसहितको हो। नानोका तीन थरी मोडेल छन्। सबैभन्दा सस्तोलाई नानो, मध्यमलाई नानो सिएक्स र सबैभन्दा महँगोलाई नानो एलएक्स नाम दिइएको छ। सिप्रदीका अनुसार नानोको मूल्य ७ लाख ९८ हजार, सिएक्सको ९ लाख ९८ हजार र एलएक्सको ११ लाख ७८ हजार रुपैयाँ पर्नेछ।
भारतमा नानोको मूल्य १ लाख ५० हजार, सिएक्सको १ लाख ८० हजार र एलएक्सको २ लाख १० हजार भारतीय रुपैयाँ पर्छ।
‘नेपालमा करका कारण सस्तो कार पनि महँगो पर्ने गरेको छ तर, नेपाली उपभोक्ताले सोचेभन्दा साह्रै कम मूल्य राखेर नानो बिक्री सुरु गरेका छौं,’ टाटा मोटर्सका अन्तर्राष्ट्रिय व्यापार प्रमुख जोनी उमेनले भने, ‘यति सस्तो मूल्यमा कार किन्न पाउने भएपछि हजारौं नेपालीको कार चढ्ने सपना साकार हुनेछ।’
भारतीय गाडी निर्माता कम्पनी टाटा मोटर्सले उत्पादन गरेको नानोको नेपालका लागि आधिकारिक बिक्रेता सिप्रदी ट्रेडिङ प्रालिले पहिलोपल्ट गत जेठ १८ मा नानोलाई काठमाडौंमा सार्वजनिक गरेको थियो।
‘आज (असार १२) बाट १० दिनसम्म नानोको बुकिङ खुला गरिएको छ,’ सिप्रदीका कार्यकारी अध्यक्ष सिद्धार्थसमशेर राणाले नानो सार्वजनिक गर्न आइतबार राजधानीमा आयोजित औपचारिक कार्यक्रममा भने, ‘बुकिङ गरेकाले आगामी साउन १५ बाट नानो कार पाउँछन्।’
सिप्रदीका अनुसार १० हजार रुपैयाँमा नानो, २० हजारमा सिएक्स र ३० हजार रुपैयाँमा एलएक्स बुकिङ गर्न पाइनेछ। बैंकमार्फत् नानो किन्न चाहनेले कूल मूल्यको २० प्रतिशत अग्रिम भुक्तानी गर्नुपर्ने छ। त्यसपछि बैंकले तोकेको ब्याज दरमा मा
हिटरसहितको एयर कन्डिसनर, फ्रन्ट पावर विन्डो, कप होल्डर, सबै ढोकामा म्यागाजिन र सिक्का राख्ने ठाउँ, सबै सिटमा टाउको अडेस लगाउने भाग, चालक र यात्रुका लागि सनभाइजर, हेड ल्याम्प लेभलिङ, लो फ्युल वार्निङ ल्याम्प, पछाडिको सिट फोल्ड गर्न मिल्नेलगायत विशेषता नानोमा छन्।
नानोमा सेन्ट्रल लक, सेन्टर हाइ माउन्ट स्टप ल्याम्प, लेमिनेटेड विन्डसिल्ड, बुस्टर एसिस्टेड ब्रेक, सबै सिटमा बेल्ट, इन्ट्र्युजन बिमलगायत सुरक्षा सुविधा छन्। – नागरिक
अन्य समाचारहरु
