आषाढ़ २२ गते, २०६८ मा प्रकाशित
कास्की – भदौ १४ पछि जोखिमपूर्ण समय आउन सक्ने भएकाले त्यसको तयारीमा रहनु पर्ने गृहसचिव लिलामणि पौडेलले बताएका छन् ।
अवस्था सहज होला भन्ने छैन यसैले सुरक्षा निकायलाई सर्तक भएर त्यसको तयारीमा लाग्न निर्देशन दिएको उनले बताए ।
पोखरामा मंगलबार देखि शुरु भएको पश्चिमाञ्चल स्तरीय क्षेत्रिय भेलाको बुधबार पोखरा भएको समापन कार्यक्रममा बोल्दै पौडेलले अहिल्यै ढुक्क भएर बस्ने अवस्था नरहेको उनले प्रष्टाए ।
उनले राजनीतिक आडमा अपराधीको संरक्षण भएरहेकोले अपराध नियन्त्रणमा समस्या आएको बताए ।
उनले अन्य पुर्व र मध्यमाञ्चल क्षेत्रको तुलनामा सुरक्षा स्थिति पश्चिमाञ्चलमा सामान्य रहेको बताए । ‘समग्रमा यहाँको सुरक्षा स्थिति राम्रो छ ‘उनले भने, सुरक्षा निकायले सर्तक भएर काम गर्नुपर्छ ।’
अन्य समाचारहरु
