श्रावण २६ गते, २०६८ मा प्रकाशित
गत बिहीबारदेखि अत्यधिक वर्षा भएपछि स्थानीय छ्यालुङ्ग लाङ्गताङ्ग सिंचाईको कुलो भत्किएर पहिरो जाँदा कुलो भन्दा करिब एक सय मिटर मुनी रहेको श्रीनागी गाउँ जोखिममा परेको स्थानीयबासीले बताएका छन् ।
स्थानीय नरबहादुर लुङ्गेली, सुवितमान खड्का, गोरख बहादुर लुङ्गेली, दिबहादुर खड्का, दिलमाया लुङ्गेली, विर्खबहादुर लुङ्गेली, गणेश थापालगायत विस्थापित भएको सिंचाइ उपभोक्ता समितिका अध्यक्ष नारद कटुवालले जानकारी दिए ।
वर्षाले छयालुङ्ग लाङ्गताङ्ग सिचाई आयोजनाद्धारा गत महिनादेखि संचालित लेगुवा खोला लघु जलविधुत आयोजना बन्द हुंदा स्थानीय ४ सय २६ उपभोक्ता विद्युत सेवाबाट बन्चित भएका छन् । यसैगरी भर्खरै रोपाइ गरिएको १ सय ५० रोपनी क्षेत्रफलको धान र ५० रोपनी क्षेत्रफलको अलैची बाली समेत नष्ट भएको छ । वर्षाले कुलोको करिब ६० मिटर लम्बाइ क्षतिग्रस्त बनाएको डिभिजन सिंचाइ कार्यालयका प्राविधिक देवकृष्ण साहले बताए ।
पहिरो पीडितलाई प्रहरी र स्थानीयबासीले उद्धार गरि सुरक्षित स्थानमा राखेको प्रमुख जिल्ला अधिकारी कुमार श्रेष्ठले जानकारी दिए । पहिरो गएको स्थान जिल्ला सदरमुकामबाट ३६ कोष उत्तरमा पर्दछ । पीडितलाई रेडक्रस र प्रशासनले प्रारम्भिक राहत उपलब्ध गराएको जनाएको छ ।
अन्य समाचारहरु
