काठमाडौं – नेपालको शान्ति प्रक्रिया र संविधान निर्माण प्रकृयाको प्रगतिबारे नेपालस्थित युरोपेली संघका प्रतिनिधिहरुले प्रधानमन्त्री बाबुराम भट्टराईसँग भेटी जिज्ञासा राखेका छन्। भट्टराई प्रधान मन्त्री नियुक्त भएपछि संघका प्रतिनिधिहरुले भेट गरेको यो पहिलो हो।
‘शान्ति प्रकृया र संविधान लेखनको प्रगतिबारे जानकारी लियौं,’ नेपालका लागि डेनमार्कका राजदूत मोर्टर जेफर्सनले भने।
उनका अनुसार लडाकु समायोजन र पुनर्स्थापना प्याकेजका विषयमा पनि प्रधान मन्त्रीसँग छलफल भएको छ। प्रधानमन्त्रीलाई उनीहरुले नेपाललाई दिँदै आएको सहयोग जारी रहने प्रतिवद्धतासमेत दोहर्याएका थिए। भेटमा डेनमार्कसहित, फिनल्यान्ड, स्विटजरल्यान्ड, बेलायतलगत मुलुकका राजदूतहरु सहभागी थिए।
भाद्र २६ गते, २०६८ मा प्रकाशित
