सरकारले पाँच बर्ष वा सो भन्दा माथिको कैद जीवन तोकिएका कैदीहरु मध्ये ६० प्रतिशत कैद जीवन भुक्तान गरिसकेका कैदीहरुलाई दशैंको अवसरमा कैद मिनाह गर्ने निर्णय गरेको छ । प्रधानमन्त्री कार्यालय सिंहदरबारमा आज बसेको मन्त्रीपरिषद्को बैठकले गृहमन्त्रीको प्रस्तावमा यस्तो निर्णय गरिएको हो ।
विभिन्न कारागारबाट आएको सिफारिसको आधारमा कैद मिनाह गर्ने निर्णय गरिएको बताइएको छ । यस्तै बैठकले प्रधानमन्त्रीको आर्थिक सल्लाहकारमा पूर्व अर्थसचिव रामेश्वर खनाललाई पारिश्रमिक नलिने गरी सल्लाहकारमा नियुक्त समेत गरेको छ । यस्तै हिजो हत्या गरिएका ईस्लामी संघका महासचिव फैजल मोहमदको हत्याको छानविन गर्न सहमहान्यायाधीवक्ताको संयोजकत्वमा तीन सदस्यीय छानविन समित बनाइएको छ ।
यसैगरी घरजग्गा खरिदमा एक करोड र सवारी साधन खरिदमा स्रोत खुलाउन नपर्ने निर्णय पनि सरकारले गरेको छ ।
आश्विन ११ गते, २०६८ मा प्रकाशित
