आश्विन २९ गते, २०६८ मा प्रकाशित
बुटवल उद्योग वाणिज्य संघको ५७ साधारणसभा तथा अधिवेशन उद्घाटन गर्दै कार्यक्रममा माओवादी स्थायी समिति सदस्यसमेत रहेका नेता रायमाझीले युद्धको धङधङी नमेटिएकाले मशाल जुलुस निकाल्ने र राँके जुलुस बाल्दैमा शान्ति र संविधानको महान् बाटो छोडेर उनीहरु सामु सरकार नझुक्ने दावी गरे ।
युद्धकालमा पाटीभित्र विवाद चर्किँदा मर्ने मार्ने सम्मका घटना हुँदा पनि आफूहरु विचलित नभएको भन्दै उनले राँके जुलुस बाल्नेहरुसँग मिल्न नसके ध्रुवीकरण गरेर भएपनि शान्ति र संविधानको कार्यभार पुरा गर्ने जिकिर गरे ।
बाबुराम प्रधानमन्त्री भएपछि शान्ति र संविधान अघि बढ्नेमा धेरै राष्ट्रिय र अन्तराष्ट्रिय विद्वतवर्गहरुले आशा पालेको बताउँदै नेता रायमाझीले त्यो आशालाई मर्न नदिन वर्तमान सरकारलाई नै राष्ट्रिय सहमतिको सरकार बनाउन र दलीय सहमति जुटाउन आफूहरुले जस्तोसुकै त्याग गर्ने बताए ।
मन्त्री रायमाझीले सरकार बनेको २-३ महिना नपुग्दै ढाल्ने खोज्न प्रयत्न सुरु भएकोमा रोष प्रकट गरे । उनले सरकार बनाउने र ढाल्ने संस्कृति बन्द गर्नुपर्नेमा जोड दिए ।
अन्य समाचारहरु
