देउसीभैलो खेल्न आउने समूहलाई एक सय रुपैयाँ मात्र (बढी दिन चाहेमा गोप्य खाममा)

प्रशासनले एक सयभन्दा बढी रकम नदिन स्थानीयबासीहरूलाई आग्रह गर्दै बढी दिन चाहेमा गोप्य खाममा राखेर दिन अनुरोध गरेको हो । प्रमुख जिल्ला अधिकारी डुल्लुराज बस्नेतले देउसीभैलो कार्यक्रमले कसैलाई पनि अप्ठेरो नपरोस् भनेर यस्तो आग्रह गरिएको बताए । ‘यसले संस्कृतको जर्गेनालाई सहयोग पुग्छ,’ उनले भने ।

यसैगरी प्रशासनले राति नौ बजेभन्दा पछाडि देउसीभैलो खेल्नमा रोक लगाएको छ । रातिमा खेल्दा बढी जोखिम हुने भएकाले सुरक्षाको कारण देखाउँदै रोक लगाएको हो । ‘रातिमा खेल्दा बढी झैझगडा हुने र आपराधिक घटना हुनसक्छन्’ बस्नेतले भने, ‘आगामी वर्षमा पनि निरन्तरता दिनेछांै ।’

जिल्ला प्रशासन कार्यालयले जिल्लाभित्र प्रमुख राजनीतिक दल, सुरक्षा अधिकारी, नागरिक समाजको सहभागितामा यस्तो कार्यक्रम ल्याएको हो ।