शुल्क बृद्धिको विरोध गर्दै चितवनमा बिद्यार्थीहरुले आजदेखि जिल्लाका संपूर्ण निजी उच्च माध्यमिक विद्यालयहरु अनिश्चितकालका लागि बन्द गरेका छन् । नेपाल विद्यार्थी संघ, अनेरास्ववियु, अनेरास्ववियु क्रान्तकिारी र अखिल छैठौंले कलेजहरु बन्द गराएका हुन् । बन्दका कारण आज चितवनका कुनै पनि निजी उच्च मा.विहरुमा पठन पाठन हुन सकेन । विद्यार्थी संगठनहरुले बृद्धि गरिएको शुल्क फिर्ता लिनुपर्ने माग राखेका छन् ।
निजी उच्च माविहरुको संगठन हिसानले ३२ प्रतिशत शुल्क बृद्धि गरेपछि आन्दोलनमा उत्रनु परेको नेवि संघ चितवनका अध्यक्ष उत्तम जोशीले बताएका छन् । हिसानसंग हिजो भएको वार्ता बिना निष्कर्ष टुंगिएको थियो ।
मंसिर ५ गते, २०६८ मा प्रकाशित
