पौष १ गते, २०६८ मा प्रकाशित
उनलाई नेपालस्थित थाई राजदूतको पाहुनाको रुपमा जानकारी गराईएको छ । थाई राजदूत उनलाई भेट्न त्रिभूवन अन्तरराष्ट्रिय विमानस्थल पुगेका थिए ।
विमानस्थल स्रोतका अनुसार अन्तरराष्ट्रिय विमानस्थलबाट आन्तरिक विमानास्थल गएका उनी काठमाडौं सहर नपसिकनै यति यएरलाइन्सको जहाज चढेर भैरहवा पुगेका हुन् । उनी लुम्बिनीमा पुजाको लागि आएको बताइएको छ । भैरहवामा होटल कासाइमा बसेका छन् ।
विमानस्थल स्रोतका अनुसार उनले चार्टर गरेर ल्याएको विमान शनिबार साँझ फर्कने छ ।
उनी सन् २००१ देखि २००६ सम्म थाइलेण्डका प्रधानमन्त्री थिए । थाइ सेनाले कु गरेर हटाएपछि सिनाबात्राको बिरुद्धमा करोडौं डलर भ्रष्टाचारको अभियोग लगाइएको छ । उक्त भ्रष्टाचार काण्डमा जेल भुक्तान गर्नुपर्ने हुँदा उनी निर्वासमा बस्दै आएका छन् ।
थाइलेण्डका धनी मध्येका एक, ठूला ब्यापारिक घरानाका सिनावात्रा प्रधानमन्त्रीबाट हटाइएपछि कम्बोडिया बस्दै आएका थिए । पछिल्लो समय उनी म्यान्मारमा थिए ।
पछिल्लो निर्वाचनमा उनकी बहिनी यङ्लुक सिनाबात्राले निर्वाचन जितेकी छन् । निर्वासनमा रहेपनि सिनाबात्राको आझै थाइ राजनीतिमा बलियो पकड रहेको बहिनीको जीतले पनि देखाएको छ ।
सन् २००८ मा थाइल्याण्डको परराष्ट्र मन्त्रालयले रद्द गरेको पासपोर्ट यसै बर्षको अक्टोवरमा मात्र पुनर्वहाली गरिएको थियो ।
अन्य समाचारहरु
