पौष १९ गते, २०६८ मा प्रकाशित
कांग्रेसले थप छलफल गरेर सहमतिबाट नै अघि बढ्नुपर्ने भन्दै मंगलबारको बैठकमा कार्यतालिका परिवर्तनको माग गरेको हो । माओवादी र एमालेले भने सहमति भएका बिषयलाई साझा प्रस्तावको रुपमा लाने र नमिलेका बिषयलाई संविधानसभाबाट टुंग्याउने गरी कार्यतालिका परिवर्तन नगर्ने अडान राखेका छन् ।
कार्यतालिका परिवर्तन गर्ने र नगर्ने बीचमा कुरा निमलेपछि शासकीय स्वरुपमा विस्तृत छलफल नै नभई बैठक टुंगिएको थियो । बैठकपछि कांग्रेस महामन्त्री कृष्णप्रसाद सिटौलाले संविधानमा शासकीय स्वरुपसहित धेरै कुरा मिल्न बाँकी रहेको बताउँदै भोटिङमा जान नहुने बताए । उनले कार्यतालिका परिवर्तन नगरी भोटिङमा जाने अवस्था आएमा संविधान निर्माण हुन नसक्ने तर्क समेत गरे ।
अन्य समाचारहरु
