पौष २८ गते, २०६८ मा प्रकाशित
समय पूरा भएर पनि जेल मुक्त नगराएको भन्दै जिल्ला कारागार पाँचथरका १६ जना कैदी वन्दीहरु आमहरण अनसनमा बसेका छन् । उनीहरुको अनसनमा कारागारमा रहेका अन्य कैदी बन्दीहरुले समेत समर्थन जनाएका छन् । सजाय भुक्तानीका लागि कारागार प्रमुखलाई पटक पटक आग्रह गरेपनि सिफारिस नगरेदिएपछि आफूहरु बाध्य भएर अनसनमा बस्नु परेको उनीहरुको गुनासो छ । सुनसरी इटहरीका सुजन मगर, पांचथर फिदिमका दुर्गा राई र पांचथर फाक्तेपका जस वहादुर नेम्वाङले अनसनको नेतृत्व गरेका छन् ।
कैदीहरुले तत्काल जेल मुक्त हुनुपर्ने, सजाय भुक्तानीका लागि भन्दै जेलर रेनु प्रसाद ओझाले लिएको रकम फिर्ता हुनुपर्ने लगायतका माग राखेका छन् । उता, कारागार प्रशासनले भने कैदीहरुको यस आन्दोलमा कुनै प्रतिक्रिया जनाएको छैन । जिल्ला कारागार पांचथरमा अहिले १ सय २९ जना कैदीहरु रहेका छन् ।
अन्य समाचारहरु
