पौष २९ गते, २०६८ मा प्रकाशित
युवा संघ नेपालको राष्ट्रिय भेलालाई शुक्रबार झापाको विर्तामोडमा सम्बोधन गदै अध्यक्ष खनालले शान्ति र संविधान निर्माण पूरा गर्न नसक्ने सरकारले राजीनामा गरी मार्गप्रसस्त गर्न सुझाव दिए । उनले माओवादीले मुलुकलाई अगुवाई गर्ने हैसियत नराखेको बन्दै एकतबद्ध एमालेलेमात्रै मुलुकको नेतृत्व गर्न सक्ने दाबी गरे ।
सम्बोधनभर माओवादीप्रति आक्रोसित खनालले माओवादीले आफूअनुकुलको संविधान बनाउन चाहेकाले समस्या भएको आरोप लगाए । उनले पाँच महिनामा संविधान नबने मुलुक द्वन्द्वमा फस्ने उल्लेख गरे ।
खनालले एमालेको एकतालाई नक्कली भनी गरेको टिप्पणीप्रति आक्रोस पोखे । उनले एकतबद्ध एमालेले सिंगो मुलुकलाई नै एक बनाउने दाबी गरे ।
कार्यक्रममा एमाले बरिष्ठ नेता माधवकुमार नेपालले माओवादीले आलटाल गरेर संविधान निर्माण पछि धकेलेको आरोप लगाए । उनले माओवादी शासकीय स्वरुप र राज्य पुनर्संरचनामा गम्भीर नहुँदा छलफल हरु लम्बिँदै जानसक्ने संकेट गरे ।
संवैधानिक समिति अन्तर्गतको विवाद समाधान उपसमितिका सदस्यसमेत रहेका नेता नेपालले माओवादीले गैर जिम्मेवारी बन्दै गए फेरि पनि जेठ १४ मा संविधान नबन्ने ठोकुवा गरे । उनले एमाले भावनात्मकरुपमै एक भएको दाबी गर्दै अब एकता अभियान गाउँ-गाउँसम्म लैजाने बताए ।
अन्य समाचारहरु
