एमाले अध्यक्ष झलनाथ खनालले आफ्नो जन्मगाउं इलामको साखेजुङ्गमा रहेको ३२ रोपनी जग्गा रत्नकुमार वान्तवा पोलिटेक्निकल इन्ष्टिच्युटलाई दान दिनु भएको छ । ईलामका सम्पन्न परिवारमा जन्मनु भएका खनालसंग अझै सत्तरी रोपनी जग्गा बांकी छ ।
सरकारको लगानीमा निर्माण हुन लागेको इन्स्टिच्युटलाई दुई सय रोपनी जग्गा आवश्यक पर्नेमा खनाल र अन्य दाताहरुको तर्फबाट गरी कुल ४४ रोपनी जग्गा रजिष्ट्रेशन पास भएको ईलामका मालपोत अधिकृत किरणकुमार भट्टराईले जानकारी दिनुभयो ।
नेपाल सरकारले आर्थिक वर्ष २०६८/०६९ को बजेटमा इन्स्टिच्युटका लागि तीन करोड रूपैयाँ विनियोजन गरेको छ । कार्यक्रममा एमाले अध्यक्ष खनालले निर्धारित समयभित्र संविधान निर्माण गर्न र शान्ति पक्रियालाई निष्कर्षमा पु-याउन सवै एक भएर अघि बढ्नुपर्ने बताउनुभयो ।
माघ ८ गते, २०६८ मा प्रकाशित
