माघ १० गते, २०६८ मा प्रकाशित
रिपोर्टर्स क्लबमा मंगलबार मन्त्री भट्टले मुल्य बृद्धि सरकारको बाध्यता भएको भन्दै सबै दलले पेट्रोलियम पदार्थको बढेको मुल्य फिर्ता गर्न सहमति गरे मात्र मुल्य घट्ने स्पष्ट पारे ।
उनले आफुले मंगलबारै प्रधानमन्त्रीसँग छलफल गरेको जानकारी दिंदै प्रधानमन्त्रीले सहुलियत कसरी दिने भन्ने कार्ययोजना ल्याउन आफूलाई निर्देशन दिएको र आफू कार्ययोजना निर्माणमा लागेको बताए ।
‘सहुलियतको कार्ययोजनामा भोली प्रधानमन्त्रीले सबै दलसँग छलफल गरेर सहमति गरेपछि कार्यान्वयन हुन्छ’ उनले भने, ‘बढेको मुल्य भने घट्दैन ।’
मन्त्री भट्टले एलपी ग्याँसमा जनतालाई राहत दिन र कृतिम अभाव कम गर्न सरकारले ब्यापारिक प्रयोजनका लागि २ महिनाभित्र १९ किलोको छुट्टै सिलिण्डर र जनताको लागि अहिले भएकै सिलिण्डर उपलब्ध गराउनेगरी काम भईरहेको जानकारी दिदै मुल्यबृद्धि रोक्न सरकारले विभिन्न विकल्पमा काम गरिरहेको बताए ।
सोही कार्यक्रममा आन्दोलनरत विद्यार्थी संगठनका नेताहरुले भने मुल्यबृद्धि नघटेसम्म आन्दोलन फिर्ता नलिईने बताएका छन् ।
अनेरास्ववीयूका अध्यक्ष माधव ढुङगेल, अनेरास्वीयू क्रान्तिकारीका अध्यक्ष हिमाल शर्मालगायतले मुल्य फिर्ता नभएसम्म आन्दोलन जारी रहने बताएका हुन् ।
अन्य समाचारहरु
