तिमी बिना ….(गजल)

—————————————–

तिमी  सँग सपनीमा  , रमाउन  पाए  हुन्थ्यो

आँखा छोपी  निदेरीमा ,सुटुक्क  आए हुन्थ्यो ।।

आकाशमा जून  हेरी , टोलाउँछु  तिम्रै  यादमा 

मैले मात्र कती लाउँ ,तिम्ले माया लाए हुन्थ्यो ।।

तिमी बिना यो जिन्दगी,लाग्छ अंधेरी रात जस्तो

पूर्णिमाको  जून  बनी, अंधेरीमा  छाए  हुन्थ्यो ।।

मायाको  म  प्यासी  बनी, कती  धाउँ  पधेँरीमा 

कहिले  काहीं  तिमी पनि ,पधेँरीमा धाए हुन्थ्यो ।।

गाउँछ गित कोइलिले, बन पाखामा  पखेरीमा

उदास  मेरो  जिबनमा , मिठो  गीत गाए हुन्थ्यो ।।