माघ २३ गते, २०६८ मा प्रकाशित
शान्ति प्रक्रिया, संविधान लेखन र अवरुद्ध हुँदै आएको सदन खोलाउन आफुहरुले राखेको चासोको जवाफ माओवादीले नदिएको आरोप कांग्रेसको छ।
माओवादीले भने आगामी दिनमा क्रमश: समाधान खोजिने बताएको छ।
साना दलहरुसँग दुई दिनसम्म भएको बैठकपछि उनीहरुकै सुझावमा शान्ति प्रक्रिया संविधान लेखन र राष्ट्रिय सहमतिको सरकार बनाउने विषयमा कुराकानी गर्न मुख्य तीन दलको बैठक बसेको थियो।
बैठकपछि मुख्य विपक्षी नेपाली कांग्रेस असन्तुष्ट देखिएको थियो।
बैठकमा सहभागी कांग्रेस नेता डा रामशरण महतले भने, “कुनै पनि विषयमा कुरा मिलेन। हाम्रा कुराहरुको उनीहरुले जवाफ दिन चाहेनन्।”
द्वन्द्वकालमा माओवादी जनसत्ताका नाममा भएका घरजग्गा सम्बन्धी कारोबारलाई वैधता दिने सरकारी निर्णय फिर्ता गर्न माग राख्दै विपक्षीहरुले केही समय यता संसद अवरुद्ध पार्दै आएका छन्।
आइतबारको बैठकमा पनि खासगरी कांग्रेसले उक्त विषयमाथि जोड दिएको थियो।
अन्य समाचारहरु
