नेपाल छिरेको पश्चिम वायुको प्रभावले देशैभरी हिउँदे वर्षा, गर्मी लाग्ने संकेत

वर्षा पार्ने प्रक्रिया नेपालको नजिक भएकाले पानी परेको जल तथा मौसम विज्ञान विभाग पूर्वानुमान महाशाखाका प्रमुख बरिष्ठ मौसमविद् राजेन्द्रप्रसाद श्रेष्ठले जानकारी दिए । उनका अनुसार बुधबार राजधानीमा १२ दशमलव १ मिलिमिटर वर्षा भएको छ । ‘एक दुई दिनपछि वर्षा हट्छ,’ उनले भने, ‘झरी उघ्रेपछि गर्मी लाग्न सक्छ ।’

मौसम विज्ञान विभागका अनुसार बुधबार जुम्ला, मुगु, कालिकोट, संखुवासभा हुम्ला, ताप्लेजुङ, गोरखालगायत उच्च पहाडी क्षेत्रमा हिमपात परेको छ ।