लेखा समितिद्धारा काठमाण्डौ तराईसंग जोड्ने द्रुत मार्ग निर्माणको स्थलगत अध्ययनका लागि उपसमिति गठन

संसदको सार्वजनिक लेखा समितिले काठमाण्डौ तराईसंग जोड्ने द्रुत मार्ग निर्माणको स्थलगत अध्ययनका लागि उपसमिति गठन गरेको छ ।

 

नेपाली सेनाले ट्रयाक खोल्ने काम गरिरहेको द्रुत मार्ग निर्माणमा भ्रष्टाचार भएको गुनासो आएपछि समितिको आजको बैठकले सभासद् रविन्द्र अधिकारीको संयोजकत्वमा ५ सदस्यीय उपसमिति गठन गरेको हो ।

उपसमितिलाई १ महिना भित्र प्रतिवेदन बुझाउन भनिएको छ । दू्रत माग निर्माणको नेतृत्व गरिरहेका नेपाली सेनाका उपरथी नरेश बस्नेतले वैठकमा मुआब्जा वितरणमा समस्या देखिएका कारण १९ किलोमिटर सडकको ट्रयाक खोल्न कठिनाई भैरहेको बताउनुभयो । ७६ किलोमिटर लामो सो सडक निर्माणमा अहिलेसम्म ५२ करोड रुपियाँ खर्च भैसकेको सेनाले बताएको छ । अहिलेसम्म विभिन्न ठाउँबाट ४४ किलोमिटर सडकको ट्रयाक खोल्ने काम भैसकेको जानकारी पनि सेनाले गराएको छ ।