चैत्र ६ गते, २०६८ मा प्रकाशित
प्रा.गाविन्द नेपाल, डा. दिनेशचन्द्र देवकोटा तथा डा. तारानाथ भट्टराईद्वारा संयुक्त रूपमा लिखित राष्ट्रिय प्रतिवेदनको मस्यौदामाथि विभिन्न दातृ निकाय र राष्ट्रिय तथा अन्तर्राष्ट्रिय गैरसरकारी संस्थाका विज्ञहरूले सुझाव दिएका थिए । मस्यौदामा नेपालको समग्र सामाजिक, आर्थिक तथा वातावरणीय स्थितिका साथै जलवायु परिवर्तन तथा त्यसका समग्र प्रभावबारे उल्लेख छ । हिमाली मुलुकका सरोकारलाई सम्बोधन गर्न क्षेत्रीय तथा विश्वव्यापी सहयोगबारेको मुद्दालाई मुख्य रूपमा उठाइएको छ ।
त्यसका लागि विश्वव्यापी साझा संयन्त्र बनाउनुपर्ने नेपालको प्रतिवेदनमा उल्लेख छ ।
नेपालको नेतृत्वमा हुन लागेको यो सम्मेलनले अन्तर्राष्ट्रिय ध्यान केन्दि्रत गर्नुका साथै हिमाली जनताको आवश्यकता तथा सरोकारलाई सम्बोधन गर्ने वातावरण मन्त्रालयका सचिव कृष्ण ज्ञवालीले बताए ।
वातावरण सहसचिव तथा जलवायु परिवर्तन व्यवस्थापन महाशाखाका प्रमुख वटुकृष्ण उप्रेतीले विश्वव्यापी पहलका लागि सम्मेलनले ‘काठमाडौं आह्वान’ जारी गर्ने बताए । – कान्तिपुर
अन्य समाचारहरु
