विशेष अदालतले नेपाल प्रहरीका पूर्व प्रमुख मोतीलाल बोहरालाई भ्रष्टाचार मुद्धामा दोषी ठहर गर्दै डेढ बर्ष कैद र २६ लाख ८३ हजार जरिबाना र त्यत्ति नै विगो भराउने फैसला गरेको छ ।
विशेष अदालतका न्यायाधीशहरु गौरीबहादुर कार्की, ओमप्रकाश मिश्र र केदार चालिसेको संयुक्त ईजलासले यस्तो फैसला सुनाएको हो ।
२०४९ सालदेखि ०५३ साल सम्म नेपाल प्रहरीका आइजीपी रहेका बोहरा विरुद्ध अख्तियार दुरुपयोग अनुसन्धान आयोगले झण्डै ३ करोड रुपैयाँ बराबरको स्रोत नखुलेको सम्पत्ति जोडेको भन्दै एक दशक अघि मुद्धा दायर गरेको थियो । विशेष अदालतले मुद्धाको हदम्याद सकिएको भन्दै मुद्धा नै खारेज गरेको थियो ।
तर सर्वोच्च अदालतले भ्रष्टाचार मुद्धामा हदम्याद नलाग्ने भन्दै ब्युताएर मुद्धा पुनः विशेषमै पठाईदिएको थियो । आफु विरुद्ध भएको फैसला सुन्ने वित्तिकै बोहरा विशेष अदालतबाट बाहिरिएका थिए ।
चैत्र २१ गते, २०६८ मा प्रकाशित
