बैशाख ७ गते, २०६९ मा प्रकाशित
‘हामीले नेपाली सेनामा जनसेना समायोजनको निर्णय गरेर दरवारीय तथा संविधान बनाउन नचाहने तत्वहरुलाई चक्मा दियौं’ दाहालले भने, ‘संविधान निर्माणमा पहिचानसहितको संघीयता र प्रत्यक्ष निर्वाचित राष्ट्रपतिको अडानलाई छाडिंदैन ।’
सेना समायोजनको निर्णयले संविधान नबनोस भन्ने चाहनेहरुलाई आप्ठ्यारोमा पारेको पनि उनले दावी गरे । ‘संविधान नबनोस् भन्नेहरुलाई अहिले आप्ठ्यारो परेको छ’ उनले भने, ‘अव संविधान नबनाई सुखै छैन ।’ तर, उनले तत्काल जनवादी संविधान बन्न नसक्ने चाही उल्लेख गरे । उनले संघीइतासहितको संविधान बन्ने बताए ।
साथै जनमुक्ति सेनाको समायोजन शाही नेपाली सेनासंग नभइ रुपान्तरित भएको नेपाली सेनासंग गरिएको पनि उनले दावी गरे । ‘सेना समायोजनपछि हामीसंग दुवै हातमा लड्डु छ’ उनले भने, ‘नयाँ संविधानमा हाम्रा एजेण्डाहरु राख्ने छौं, हामीले कहिल्यै हारेका छैनौं ।’
उनले माओवादी उपाध्यक्ष मोहन बैद्य पक्षलाई बाम विसर्जनवादी र चरम अराजकतावादीको संज्ञा दिए । आप्नै पार्टीका उपाध्यक्ष बाबुराम भट्टराईको सरकार गिराउन काँग्रेससंग हरगुहार गरेको भन्दै उनले बैद्य पक्षको अलोचना गरेका हुन् ।
अन्य समाचारहरु
