प्रहरीको केन्द्रीय अनुसन्धान ब्यूरोले मोहन साहनी समूह अन्तर्गत रहेको टी एण्ड टी इण्डष्ट्रिज प्रालिका सञ्चालकलाई पक्रेको छ । नेपाल बैंक लिमिटेडबाट कर्जा लिएर गैरकानुनी रुपमा भ्रष्टाचार गरेको मुद्दामा दोषी ठहर भएका तीन जना संचालकलाई प्रहरीले पक्रेको हो ।
प्रालिका सञ्चालक प्रदिपरत्न तुलाधर, अमरराजा ताम्राकार र सर्वज्ञराज तुलाधरले बैंकका कर्मचारीको मिलेमतोमा उद्योगको नाममा लिएको कर्जा नेपाल बैंकलाई १५ लाख ८७ हजार ७ सय ४ रुपैयाँ हानी नोक्सानी पुर्याएका थिए ।
तीनै जना सञ्चालकले मोहन साहनीलाई १० करोड ५० लाख ९१ हजार ८ सय ७१ रुपैयाँ जरिवाना तोकिएको थियो । सञ्चालक प्रदिपरत्न तुलाधर, सर्वज्ञराज तुलाधर र अमरराज ताम्राकारले जनही ३ लाख ९६ हजार, ९ सय २६ रुपैयाँका दरले नोक्सानी पुर्याएको प्रहरीको केन्द्रीय अनुशन्धान ब्यूरोले जनाएको छ ।
केन्द्रले मोहन साहनी लगायत अन्य प्रतिवादीहरुले नेपाल बैंकबाट कर्जा लिने क्रममा बैंकलाई १९ करोड ६ हजार ४५ रुपैयाँ हानी नोक्सानी पुर्याएको जनाएको छ ।
कार्तिक २४ गते, २०६९ मा प्रकाशित
