बाजुरा । बाजुराको कोटिला गाउँ विकास समिति वडा नम्बर १ कापकोटस्थित ठांडागडामा लाखौं मूल्य बराबरको सुनचाँदी भेटिएको छ ।
गोठालो गएका बालबालिकाहरुले जमिनमुनि गाडेको अवस्थामा तामाको गाग्रीभित्र गरगहना फेला पारेको जनाइएको छ ।
जमिनमुनि ६ तोला सुन, १ केजी १५ तोला चाँदी, मुगा तथा चाँदीका सिक्काहरु लगायत फेला परेको हो । बालबालिकाहरुले गत शुक्रबार ती गरगहना फेला पारेपनि भागमा नमिलेपछि प्रहरीमा खबर पुगेको बताइएको छ ।
फेला पारिएका सामग्री कोल्टीस्थित बिमानस्थलको सुरक्षा घरमा राखिएको छ ।
RSS
आषाढ़ ५ गते, २०७० मा प्रकाशित
