– दुर्गाप्रसाद शर्मा
समानुपातिकमा जिल्लाबाट कसैको नाम नपरेपछि नेपाली कांग्रेस पर्वतको पार्टी कार्यालय अनिश्चितकालका लागि बन्द गरिएको छ ।
पर्वत जिल्लाबाट ४ जनाको नाम समानुपातिकमा पारेपनि एक जनालाई पनि समानुपातिकबाट सभासद नबनाएपछि जिल्ला कार्यालय अनिश्चितकालका लागि बन्द गरिएको हो ।
जिल्लाबाट पहिले संविधानसभा र दोस्रो संविधानसभामा पनि एक जना नेतालाई पनि समानुपातिक सभासद नबनाएको आक्रोशमा तालाबन्दी गरेको कांग्रेस कार्यकर्ताले बताए ।
पार्टीमा लामो समय काम गरेका र दुःख पाएकालाई पन्छाएर अवसरवादीहरुलाई समानुपातिक सभासद चयन गरेकोले अनिश्चितकालका लागि बन्द गरिएको महाधिवेशन प्रतिनिधि डिल्ली लामिछानेले बताउनुभयो ।
पौष १७ गते, २०७० मा प्रकाशित
