तस्बिर: EFE/EPA/MAST IRHAM
संयुक्त राष्ट्र संघका महासचिव बान कि मुनले नेपालका भूकम्पपीडितले ८० लाख नेपालीको पहिचान गुमाउने गरी भूकम्प झेलेका नेपालीहरुलाई सहयोग गर्न अन्तराष्ट्रिय समुदायलाई एकजुट हुन पुन अपील गरेका छन् ।
राष्ट्रसंघीय बिशेष महासभालाई सम्बोधन गर्दै बान कि मुनले बिनाशकारी भूकम्पबाट प्रभावित नेपाल र नेपालीलाई दीर्घकालिन र दिगो पुन निर्माणमा लगानी जुटाउन अपरिहार्य रहेको भन्दै अन्तराष्ट्रिय समुदायलाई एकजुट हुन आग्रह गरेका हुन ।
उनले बैशाख १२ र २९ गतेको भूकम्पले नेपालका पूर्वाधार तहसनहस पारेकाले तत्काल ठूलो सहयोग आवश्यक भएको भन्दै अन्तराष्ट्रिय समुदायको ध्यान केन्द्रित गरेका हुन् ।
यसैबीच संयुक्त राष्ट्रसंघको बिशेष महासभाले भूकम्पको बिनाश र त्यसको प्रभावसंग जुध्न आपतकालीन सहायता बृद्धि, पुन निर्माण तथा पुन स्थापना प्रस्तावन पारित गरेको छ ।
सर्वसम्मतिबाट पारित उक्त प्रस्तावका समर्थक राष्ट्रसंघका सबै १ सय ९३ सदश्यले राष्ट्रसंघीय सहायता पुन निर्माणका प्रयासमा प्रभावकारी समन्वय सुनिश्चित गर्नुपर्नेमा जोड दिएको छ । इमेजखबरमा समाचार छ ।
जेष्ठ ३ गते, २०७२ मा प्रकाशित
